ۇلتتىق قاۋىپسىزدىك كوميتەتى اۆياسيا قىزمەتىنە تيەسىلى ان-26 ۇشاعى ەكيپاجىنىڭ اپات الدىندا ديسپەچەرمەن اڭگىمەسىنىڭ جازباسى تاراپ جاتىر. بۇل تۋرالى جۋرناليست ميحايل كوزاچكوۆ حابارلاپ، اڭگىمەنىڭ اۋديونۇسقاسىن youtube ارناسىنا جاريالادى.
"جازبا ۇزاق. جارتى ساعاتتان اسادى. ءبىراق تىڭداعاندا قونۋ ءۇشىن كورۋ مۇمكىندىگى جەتكىلىكتى بولعانى تۇسىنىكتى بولا تۇسەدى. دەسە دە ۇشقىشتارعا قاتتى تۋربۋلەنت پەن مۇزدانۋ جايلى ەسكەرتۋ بەرىلەدى. سونداي-اق ۇقك شەكارا قىزمەتىنە تيەسىلى ءبىر ەمەس، ەكى ۇشاقتىڭ قونۋعا جۇپتاسىپ كەلە جاتقانى انىقتالادى. بەلگىلى ءبىر سەبەپپەن قۇلاعان ۇشاق ەكىنشى اينالىمعا كەتەدى. اڭگىمە بارىسىنان ونىڭ نەلىكتەن ولاي ىستەگەنى تۇسىنىكسىز. تەحنيكالىق اقاۋ تۋرالى حابارلانبايدى. مۇمكىن باعىتىنان جاڭىلعان شىعار. بۇل – تاجىريبەلى ۇشقىشتاردىڭ ءبىرىنىڭ تۇسپالى. ديسپەچەت اپات بولعانىن ەفيردە حابارلاۋ ارقىلى قاتەلىك ءجىبىردى. وزگە ۇشقىشتارعا مۇندايدى ەستۋدىڭ قاجەتى شامالى. بۇل ولارعا قالاي اسەر ەتەتىنى بەلگىسىز" دەلىنگەن ءجۋرناليستىڭ telegram-داعى جازباسىندا
جازبا ساپاسى ناشار، دىبىس ءجوندى ەستىلمەيتىندىكتەن اڭگىمەنىڭ مازمۇنى تۇسىنىكسىز. دەسە دە اڭگىمە سوڭىندا ديسپەچەردىڭ "اەرودروم جابىق، بىزدە اپات" دەگەنى انىق ەستىلەدى.
پىكىر قالدىرۋ