پرەزيدەنت قاسىم-جومارت توقايەۆ وزبەكستان پرەزيدەنتى شاۆكات ميرزيويەۆپەن تەلەفون ارقىلى سويلەستى، دەپ حابارلادى اقوردا سايتى.
"مەملەكەت باسشىلارى ورتالىق ازياداعى احۋال جونىندە پىكىر الماسىپ، ستراتەگيالىق ماڭىزى زور وڭىردەگى قاۋىپسىزدىكتى، تۇراقتىلىقتى جانە وركەندەۋدى قامتاماسىز ەتۋ ماقساتىندا اۋقىمدى ءارى جەمىستى ىنتىماقتاستىققا ەكى تاراپتىڭ دا مۇددەلى ەكەنىن ناقتىلادى.
ەكى ەلدىڭ ۇكىمەتتەرى ءوزارا ساۋدا-ەكونوميكالىق، گۋمانيتارلىق ىنتىماقتاستىقتىڭ نەگىزگى ماسەلەلەرىن شەشۋ بويىنشا كەلىسىلگەن جۇمىستاردى جالعاستىرا بەرەدى" دەلىنگەن حابارلامادا.
توقايەۆ الماتى اۋەجايى ماڭىندا بولعان اۋە اپاتىنان ادامداردىڭ قازا بولۋىنا بايلانىستى كوڭىل ايتقانى ءۇشىن وزبەكستان باسشىسىنا ريزاشىلىعىن ءبىلدىردى.
ەكى ەلدىڭ پرەزيدەنتتەرى ءبىر-بىرىن كەلە جاتقان ناۋرىز مەرەكەسىمەن قۇتتىقتاپ، قازاقستان مەن وزبەكستان حالىقتارىنا باق-بەرەكە تىلەدى.
پىكىر قالدىرۋ