الماتى وبلىسىنىڭ بورالداي كەنتىندە ۇلتتىق قاۋىپسىزدىك كوميتەتى باسشىلىعىنىڭ قاتىسۋىمەن ۇقك اۆياسيا قىزمەتىنىڭ قازا تاپقان اسكەري قىزمەتشىلەرىنە اسكەري قۇرمەت كورسەتۋ ءراسىمى وتكىزىلدى، دەپ حابارلادى ۇلتتىق قاۋىپسىزدىك كوميتەتىنىڭ باسپا ءسوز قىزمەتى.
قازا بولعانداردى جەرلەۋ ورنىنا جەتكىزۋ ءۇشىن ۇلتتىق قاۋىپسىزدىك كوميتەتىنىڭ جەرۇستى جانە اۋە كولىك قۇرالدارى تارتىلعان.
"ۇقك قازا تاپقان جانە زارداپ شەككەن اسكەري قىزمەتشىلەردىڭ تۋىستارى مەن جاقىندارىنا بارلىق قاجەتتى كومەك پەن قولداۋدى كورسەتۋدە. قىزمەتتىك مىندەتتەرىن ورىنداۋ كەزىندە قازا تاپقان اسكەري قىزمەتشىلەر ەسكە الىنىپ، ۇقك ورتالىق اپپاراتىنىڭ عيماراتىندا ۆەدومستۆولىق تۋ تومەن ءتۇسىرىلدى، ساعات 17:22-دە ۇلتتىق قاۋىپسىزدىك ورگاندارىندا "ءبىر مينۋت ۇنسىزدىك" وتكىزىلەدى". قۇرىلعان ۆەدومستۆوارالىق جۇمىس كوميسسياسى اۋە اپاتىنىڭ بارلىق ءمان-جايلارىن انىقتاۋ جانە بورتتىق وزدىگىنەن جازاتىن قۇرالدى تالداۋ بويىنشا جۇمىس جۇرگىزۋدە. ناتيجەلەرى تۋرالى قوسىمشا حابارلاناتىن بولادى" دەلىنگەن اقپاراتتىق حابارلامادا.
پىكىر قالدىرۋ