الماتى قالاسىنىڭ باس مەملەكەتتىك سانيتار دارىگەرى جانداربەك بەكشين قالا قانداي جاعدايدا تولىقتاي كارانتينگە جابىلاتىنىن ايتتى، دەپ حابارلادى inform.kz سايتى.

جانداربەك بەكشيننىڭ ايتۋىنشا، قالادا شەكتەۋ شارالارىن جالعاستىرۋ كەرەك.

– بۇگىندە بىزدە 3400 توسەك-ورىن بار، ولاردىڭ جۇكتەمەسى 40 پايىزدان اسپايدى. سونىمەن قاتار 7 مىڭ رەزەرۆ توسەك بار، ءبىراق رەزەرۆتەر دە تاۋسىلۋى مۇمكىن. اۋرۋحاناعا تاۋلىگىنە 5000 ادام جاتقىزىلسا، وندا ءبىر ينكۋباسيالىق كەزەڭ ىشىندە بارلىق توسەك-ورىنداردى تولىعىمەن الامىز. بۇعان جول بەرۋگە بولمايدى. ەگەر كۇنىنە 300 ناۋقاس جاتقىزىلسا دا، قالا لوكداۋنعا جابىلادى. ۋاقتىلى شارالار قابىلداماساق، وندا، ارينە، بارلىعىن تولىعىمەن جاۋىپ، توقتاتۋعا تۋرا كەلەدى. ءبىزدىڭ مىندەتىمىز – بۇعان جول بەرمەۋ، – دەدى باس سانيتار دارىگەر ZOOM كونفەرەنسياسى بارىسىندا.

بۇعان دەيىن 10 ناۋرىزدا الماتى "قىزىل" ايماققا ەنگەن. كارانتين رەجيمى قالادا 13 ناۋرىزدان باستاپ كۇشەيتىلگەن. وتكەن دەمالىس كۇندەرى، ياعني 13 جانە 14 ناۋرىزدا قالادا قوعامدىق كولىكتىڭ جۇمىسى توقتاتىلدى.