دەنساۋلىق ساقتاۋ ءمينيسترى الەكسەي سوي ەلدە 76 188 ازاماتقا ۆاكسينا ەگىلگەنىن حابارلادى. بۇل تۋرالى ول ۇكىمەتتىڭ كەڭەيتىلگەن وتىرىسىندا ايتتى.

– بۇگىنگى كۇنى ۆاكسيناسيا جۇرگىزۋ ءۇشىن 347 ەگۋ پۋنكتى جۇمىلدىرىلدى، 76 188 ازامات ەگىلدى. ناۋرىز ايىنىڭ سوڭىنا دەيىن ءساۋىر ايىنان باستاپ جەتكىزىلىم كولەمىنىڭ ەداۋىر ارتۋىمەن 180 000 دوزا ۆاكسينا جەتكىزىلەدى دەپ كۇتىلۋدە.

وپتيميستىك سەناريي بويىنشا ءساۋىر ايىندا تاۋلىگىنە 500 ناۋقاسقا دەيىن تىركەلەدى دەپ بولجانۋدا. ال پەسسيميستىك سەناريي كەزىندە تاۋلىگىنە 1700-گە دەيىن بارۋى مۇمكىن، – دەدى مينيستر. 

سونداي-اق ول ءساۋىر ايىنان باستاپ حالىقتىڭ وسال توپتارىن (سوزىلمالى اۋرۋلارى بار ادامدار، 65 جاستان اسقان ادامدار جانە حالىقتىڭ باسقا دا توپتارى) ۆاكسيناسيالاۋدى باستاۋ جوسپارلانىپ وتىرعانىن ەكەنىن اتاپ ءوتتى. 

– كەلىپ تۇسەتىن ۆاكسينا كولەمىنىڭ اي سايىن ۇلعايۋىن ەسكەرە وتىرىپ، اۋماق اكىمدەرى ۆاكسينانى ساقتاۋ جانە تاسىمالداۋ شارتتارىن ساقتاي وتىرىپ، قوسىمشا ەگۋ كابينەتتەرىن ازىرلەۋدى، ءتيىستى حالىقتى ۆاكسيناسيالاۋدى جۇرگىزۋدى كەڭەيتۋ ءۇشىن دايارلانعان ماماندارمەن قامتاماسىز ەتۋى قاجەت.

قازاقستاندا ۆاكسينا وندىرۋشىلەرمەن جۇرگىزىلگەن كەلىسسوزدەردى ەسكەرە وتىرىپ، بيىل ۆاكسينانى جەتكىزۋدى ەسكەرە وتىرىپ، شامامەن 12 ملن دوزا ۆاكسينا الۋ جوسپارلانۋدا، – دەدى الەكسەي سوي.