الماتى وبلىسىندا دەمالىس كۇندەرى لوكداۋن ەنگىزىلەدى. بۇل تۋرالى ۇكىمەت وتىرىسىندا وڭىردەگى سانيتارلىق-ەپيدەميولوگيالىق جاعداي تۋرالى قىسقاشا بايانداعان وبلىس اكىمى اماندىق باتالوۆ مالىمدەدى.

سوڭعى اپتادا كوروناۆيرۋسپەن اۋىرعانداردىڭ ءوسۋ قارقىنى الماتى وبلىسىندا 0،6 پروسەنتتى قۇراپ، وتكەن تاۋلىكتە 99 جاعداي تىركەلگەن.

ينفەكسيالىق ستاسيوناردىڭ تولىمدىلىعى 43 پايىزدى، رەانيماسيالىق توسەكتەر تولىمدىلىعى 15 پايىزدى قۇراپ وتىر. 

ءوڭىر باسشىسىنىڭ ايتۋىنشا، وبلىستىڭ مەديسينالىق ۇيىمدارى قاجەتتى جابدىقتارمەن جانە دارىلىك پرەپاراتتارمەن قامتاماسىز ەتىلگەن. ينفەكسيالىق ستاسيونارداعى توسەك سانى 412-گە كوبەيتىلىپ، ءقازىر سانى 1 550 بىرلىككە جەتكىزىلگەن.

بيىلعى جىلدىڭ باسىنان باستاپ 11 پسر-زەرتحاناسىندا 137 مىڭ تەست وتكىزىلگەن. 391 ءموبيلدى بريگادا كوروناۆيرۋس كۇدىگى بار ناۋقاستاردىڭ ۇيىنە بارىپ 50،7 مىڭنان استام مەديسينالىق قىزمەت كورسەتتى.

وبلىستا اۋرۋ دەڭگەيىنىڭ وسۋىنە بايلانىستى كارانتيندىك رەجيم كۇشەيتىلدى.

بەلگىلى بولعانداي، مەكتەپكە دەيىنگى مەكەمەلەردىڭ، قوعامدىق تاماقتانۋ وبەكتىلەرىنىڭ، ءدىني ۇيىمدارىنىڭ، قوعامدىق مونشالار مەن كولىكتىڭ جۇمىسى ساعات 17:00-گە دەيىن، ويىن-ساۋىق وبەكتىلەرى مەن مەيرامحانالاردىڭ جۇمىسى ساعات 21:00-گە دەيىن كەلۋشىلەر سانىن ەسكەرە وتىرىپ شەكتەلدى. دەمالىس كۇندەرى وبلىستا تولىق لوكداۋن ەنگىزىلەدى.

– الماتى قالاسى مەن وبلىس اراسىندا حالىق كوشى-قونىنىڭ جيىلەۋىنە بايلانىستى قالا ماڭىنداعى جامبىل، قاراساي، تالعار، ەڭبەكشىقازاق، ىلە اۋداندارىندا اۋرۋ دەڭگەيىنىڭ ءبىرشاما ءوسۋى بايقالادى. باس سانيتار دارىگەرلەر شەكتەۋ شارالارىن كۇشەيتۋ جونىندە جەكەلەگەن قاۋلىلار قابىلدادى، – دەدى باتالوۆ.

وڭىردە كارانتين شارالارىن ساقتاۋ جونىندەگى مونيتورينگتىك توپتاردىڭ جۇمىسى كۇشەيتىلدى.

1 قاڭتاردان باستاپ 6797 رەيد بارىسىندا كارانتين رەجيمىن بۇزۋدىڭ 449 جاعدايى انىقتالدى، 410 حاتتاما تولتىرىلىپ، ايىپپۇل سالىندى.

كوروناۆيرۋس ينفەكسياسىنا قارسى ۆاكسينا سالۋ 30 ەگۋ پۋنكتىندە جۇرگىزىلەدى، 6883 ادامعا ەكپە جاسالدى.

ءقازىر الماتى وبلىسى "سارى" ايماقتا تۇر. اۋرۋحانالاردا 685 ادام ەم قابىلداپ جاتىر، ونىڭ 22ء-سىنىڭ جاعدايى اۋىر.