پرەزيدەنتتىڭ باسپا ءسوز حاتشىسى بەرىك ءۋالي قازاقستان پرەزيدەنتىنىڭ ءبىر جىل ىشىندە اتقارعان جۇمىسى تۋرالى جيناق جارىق كورگەنىن حابارلادى.
پرەزيدەنتتىڭ باسپا ءسوز قىزمەتى شىعارعان جيناقتا پرەزيدەنتتىڭ وڭىرلەرگە جاساعان جۇمىس ساپارلارىنىڭ بارىسىندا، ءتۇرلى جيىنداردا سويلەگەن سوزدەرى، ۇندەۋلەرى مەن مالىمدەمەلەرى، وتاندىق جانە شەتەلدىك بۇقارالىق اقپارات قۇرالدارى وكىلدەرىنە بەرگەن سۇحباتتارى مەن ءارتۇرلى باسىلىمداردا جاريالانعان ماقالالارىن ءۇش كىتاپقا توپتاستىرىلعان.
– ءبىرىنشى جانە ەكىنشى كىتاپقا قاسىم-جومارت توقايەۆتىڭ COVID-19 پاندەمياسىن ەڭسەرىپ، ەلىمىزدىڭ ەكونوميكالىق ءوسىمىن قايتا قالپىنا كەلتىرۋ ماقساتىمەن قولعا العان باستامالارى، حالىقتىڭ ءال-اۋقاتىن جاقسارتۋ ءۇشىن مەملەكەتتىڭ الدىندا تۇرعان مىندەتتەر جونىندەگى تۇشىمدى وي-پىكىرلەرى، سونداي-اق، الەمدىك ماڭىزى زور حالىقارالىق جيىنداردا سويلەگەن سوزدەرى توپتاستىرىلعان.
ءۇشىنشى كىتاپقا مەملەكەت باسشىسىنىڭ وتاندىق جانە شەتەلدىك بۇقارالىق اقپارات قۇرالدارىندا جاريالانعان ماقالالارى مەن سۇحباتتارى توپتاستىرىلعان. كىتاپتا قازاقستاننىڭ حالىقارالىق قاتىناستارعا قاتىستى ۇستانىمى، پرەزيدەنتتىڭ ەل ىشىندەگى وزەكتى ماسەلەلەرگە قاتىستى وي-تولعامدارى ءسوز بولادى، – دەيدى بەرىك ءۋالي.
پىكىر قالدىرۋ