قازاقستاندىق ءانشى ديماش قۇدايبەرگەننىڭ ناۋرىز مەرەكەسىنە ارنالعان جاڭا بەينەبايانى جارىققا شىقتى. بۇل تۋرالى dimashnews.com سايتى حابارلادى.
سايت مالىمەتىنشە، بۇعان دەيىن 16 قاڭتاردا ءانشى "كيەلى مەكەن" ءانىن DIMASH DIGITAL SHOW ونلاين-كونسەرتىندە شىرقاعان. ءان ءسوزىنىڭ اۆتورى – قانات ايتبايەۆ، مۋزىكاسىن جازعان – ەربولات قۇدايبەرگەن.
"روك پەن حالىق جانرلارىن بىرىكتىرەتىن كومپوزيسيا ديماشتىڭ جانكۇيەرلەرىنىڭ وڭ باعاسىنا يە بولدى. ءان ماتىنىندە وتانىنا جانە ونىڭ حالقىنا دەگەن سۇيىسپەنشىلىك پەن ادالدىق، سونداي-اق بۇگىنگى ۇرپاقتىڭ ۇلى اتا-بابادان قالعان مۇراسىن كەيىنگى ۇرپاققا امانات ەتىپ جەتكىزۋگە دايىن ەكەندىگى ايتىلعان" دەلىنگەن سايت اقپاراتىندا.
پىكىر قالدىرۋ