دەنساۋلىق ساقتاۋ ءمينيسترى الەكسەي سوي ءقاۋىپتى ىندەتتى توقتاتۋدىڭ جولى ەكپە سالدىرۋ ەكەنىن ايتتى. بۇل تۋرالى ول ورتالىق كوممۋنيكاسيالار قىزمەتىندە وتكەن بريفينگتە مالىمدەدى.
– ۆاكسيناسيا ۆيرۋستى توقتاتاتىن جالعىز جول. جاناما اسەرلەرى جوق ءاربىر قازاقستاندىقتى ۆاكسينا الۋعا شاقىرامىن. وسىلاي عانا ءبىز قالىپتى ومىرگە ورالا الامىز. ۆيرۋستىڭ تارالۋىن توقتاتۋ ءۇشىن قاراپايىم ساقتىق شارالارىن دا ساقتاۋ كەرەك.
كوروناۆيرۋسقا قارسى ۆاكسيناسيا جالعاسۋدا. بۇگىنگى كۇنى ءبىرىنشى كومپونەنتپەن 131 170 ادام ەكپە قابىلدادى. 22 اقپاننان باستاپ ۆاكسيناسيانىڭ ەكىنشى كومپونەنتىمەن 32 482 ادام ەكپە قابىلدادى، – دەدى سوي.
ءمينيستردىڭ ايتۋىنشا، ءساۋىر ايىندا ءتۇرلى وندىرۋشىلەردەن قوسىمشا 2،5 ملن دوزا ۆاكسينا جەتكىزۋ جوسپارلانۋدا.
پىكىر قالدىرۋ