شىعىس قازاقستان وبلىسىنىڭ باس سانيتار دارىگەرى قانات تۇردييەۆتىڭ جاڭا قاۋلىسى بويىنشا وبلىس كوروناۆيرۋس تارالۋىنا بايلانىستى 15 ساۋىرگە دەيىن تولىعىمەن جابىلدى. 

قاۋلىدا وبلىس اۋماعىنا كىرىپ-شىعۋعا رۇحساتى بارىن راستايتىن قۇجاتى بار ازاماتتاردى قوسپاعاندا، ادامداردىڭوبلىس اۋماعىنا  كەلۋىنە، وبلىس اۋماعىنان كەتۋىنە تىيىم سالىناتىنى جازىلعان.

تومەندەگى ادامدارعا سانيتاريالىق بەكەتتەر ارقىلى كەدەرگىسىز كىرىپ-شىعۋعا رۇقسات ەتىلگەن:

– حالىقتىڭ تىنىس-تىرشىلىگىن قامتاماسىز ەتۋ ۇيىمدارىنىڭ، مەديسينالىق، سانيتاريالىق-ەپيدەميولوگيالىق، قۇقىق قورعاۋ، ارنايى جەدەل جانە اۆاريالىق قىزمەتتەر قىزمەتكەرلەرى؛

– مەديسينالىق كورسەتكىشتەر بويىنشا كەتەتىن جانە كەلەتىن ادامدار؛

– كارانتيندىك ستاسيونارلاردا ەمدەلۋدە جانە باقىلاۋدا بولعان ادامدار؛

– ترانزيتتىك جولاۋشىلار مەن جۇكتەردى اۆتوتاسىمالداۋشىلار؛

– ۆاحتالىق قىزمەتكەرلەردى تاسىمالدايتىن كولىك قۇرالدارى جانە ت.ب.

قاۋلىنىڭ تولىق نۇسقاسى مىنا جەردە.