قازاقستاننىڭ باس سانيتار دارىگەرى ەرلان قياسوۆتىڭ قاۋلىسىنا سايكەس IV توقساندا مەكتەپ وقۋشىلارىن وقىتۋ فورماتى وڭىردەگى ەپيدەميولوگيالىق جاعدايعا بايلانىستى بولماق.

"جاسىل" جانە "سارى" ايماقتاردا ورنالاسقان وڭىرلەردە بارلىق وقۋشى ارالاس وقىتۋ فورماتىنا كوشەدى. "قىزىل" ايماقتا ورنالاسقان وڭىرلەردە 1-5 سىنىپتار، 9، 11 (12) سىنىپتار ءۇشىن، سونداي-اق حالىقارالىق مەكتەپتەردىڭ 1-7 سىنىپتارى ءۇشىن وقىتۋدىڭ ارالاس فورماتى ساقتالادى، ال 6، 7، 8، 10 سىنىپتار قاشىقتان وقىتىلادى.

سونداي-اق نۇر-سۇلتان، الماتى جانە شىمكەنت قالالارى مەن اقمولا، تۇركىستان، اقتوبە، باتىس قازاقستان وبلىستارىنىڭ ءبىلىم باسقارمالارى وقۋشىلارىڭ قالاي وقيتىنىن مالىمدەدى.

نۇر-سۇلتان قالاسى ءبىلىم باسقارماسى باسشىسىنىڭ ورىنباسارى باعلان سماتايەۆانىڭ مالىمدەۋىنشە، كارانتين شارالارىنىڭ قاتاڭداۋىنا بايلانىستى قالانىڭ بارلىق مەكتەبى (مەكتەپ ءبىتىرۋشى سىنىپتاردى قوسپاعاندا (9، 11 (12) سىنىپتار) مەنشىك نىسانىنا قاراماستان قاشىقتان وقيتىن بولادى. ال، مەكتەپ ءبىتىرۋشى سىنىپتار ءۇشىن وقىتۋ ارالاس فورماتتا (پاندەردىڭ 70% – ءداستۇرلى فورماتتا، 30% – قاشىقتان)، سىنىپتا 15 ادامنان ارتىق ەمەس، اتا-انالاردىڭ وتىنىشتەرى بويىنشا ۇيىمداستىرىلادى.

الماتى قالاسى ءبىلىم باسقارماسى باسشىسىنىڭ ورىنباسارى قايرات جۇمانوۆ ەپيدەميولوگيالىق جاعدايعا بايلانىستى 1 ساۋىردەن باستاپ وقۋشىلار قاشىقتان وقۋدى جالعاستىراتىنىن جانە اتا-انالار مەن زاڭدى تۇلعالاردىڭ وتىنىشتەرى نەگىزىندە وقۋشىلار سانى 15 بالادان اسپاي 1-5، 9 جانە 11 سىنىپتاردا كەزەكشى سىنىپتاردىڭ جۇمىسى جالعاستىرىلاتىنىن حابارلادى. سونىمەن قاتار قازىرگى تاڭدا تەحنيكالىق جانە كاسىپتىك ءبىلىم بەرۋ ۇيىمدارىنىڭ 1-4 كۋرس ستۋدەنتتەرى قاشىقتان وقۋدى جالعاستىرىپ جاتىر. 

IV توقساندا شىمكەنت قالاسىنداعى جالپى ءبىلىم بەرەتىن مەكتەپتەردە بارلىق سىنىپتاردىڭ وقۋشىلارى سىنىپتارداعى بالالار سانىن 25 ادامنان اسىرماي ارالاس فورماتتا وقىتىلۋدا. كوللەدجدەردىڭ 1 كۋرس ستۋدەنتتەرى ەكىنشى سەمەستردە شتاتتىق رەجيمدە وقىتىلادى. ءبىلىم بەرۋ پروسەسىنىڭ بارلىق قاتىسۋشىلارى سانيتاريالىق-ەپيدەميولوگيالىق تالاپتاردى ساقتاۋعا ءتيىس. بۇل تۋرالى شىمكەنت قالاسى ءبىلىم باسقارماسىنىڭ باسشىسى جانات تاجييەۆا حابارلادى.

اقمولا وبلىسى قازىرگى كەزدە "جاسىل" ايماقتا. الايدا، وبلىستىڭ باس سانيتار دارىگەرىنىڭ قاۋلىسى بولماعاندىقتان، 4 توقسانداعى وقۋ بۇرىنعى فورماتتا باستالادى. وقىتۋدىڭ ءداستۇرلى تۇرىنە ورالۋ ەپيدەميولوگيالىق جاعداي تۇراقتالعان كەزدە مۇمكىن بولادى. ساباقتان تىس ۋاقىتتا وقۋشىلاردىڭ بىلىمدەگى ولقىلىقتارىن تولتىرۋ ءۇشىن 10 مىڭ وقۋشىعا ارنالعان 2137 جەكە كونسۋلتاتيۆتىك توپتىڭ جۇمىسى ۇيىمداستىرىلدى. بۇل تۋرالى اقمولا وبلىسى ءبىلىم باسقارماسىنىڭ باسشىسى بەيبىت ءجۇسىپوۆ حابارلادى.

تۇركىستان وبلىسىنداعى مەكتەپتەر IV توقساندا وقىتۋدىڭ ارالاس فورماتىنا كوشەدى. ياعني، ءوڭىر تاۋەكەلى تومەن نەمەسە ورتاشا ايماقتاردا بولعان جاعدايدا پاندەردىڭ ءبىر بولىگى ءداستۇرلى تۇردە، ءبىر بولىگى قاشىقتان وقىتىلادى. ال، 300 وقۋشىعا دەيىنگى كونتينگەنتى بار مەكتەپتەر وقۋ ءۇردىسىن ءداستۇرلى تۇردە جالعاستىرادى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە ادامي الەۋەتتى دامىتۋ باسقارماسىنىڭ باسشىسى راقىمبەك جولايەۆ مالىمدەدى.

باتىس قازاقستان وبلىسى ءبىلىم باسقارماسىنىڭ باسشىسى ايگۇل مىڭبايەۆانىڭ حابارلاۋىنشا، 379 مەملەكەتتىك مەكتەپ بولسا، ولاردىڭ 279-ى شتاتتىق جانە 100 ارالاس فورماتتا جۇمىس جاسايدى. جالپى مەملەكەتتىك مەكتەپتەردەگى وقۋشىلار كونتينگەنتى 110 مىڭنان استام بولسا، ولاردىڭ 25،4%-ى (28 مىڭنان استام وقۋشى) شتاتتىق رەجيمدە، ال 74،6%-ى (82 مىڭنان استام وقۋشى) قاشىقتان وقىتىلىپ جاتىر. 

اقتوبە وبلىسى ءبىلىم باسقارماسىنىڭ باسشىسى جولداس باتىرحان مالىمدەۋىنشە، 4-توقساندا كونتينگەنتى 300 وقۋشىعا دەي̆ىنگى قالالىق جانە اۋىلدىق 246 مەكتەپ ءداستۇرلى فورماتتا جۇمىس ىستەيدى. 170 مەكتەپتە 135 782 وقۋشىعا قاشىقتان ءبىلىم بەرىلەدى. جاڭا قاۋلىعا ءساي̆كەس 9، 11 (12) سىنىپ وقۋشىلارى بالالار سانىن 25-تەن اسىرماي̆ ارالاس فورماتتا وقىتىلاتىن بولادى.