كەلەسى ايدان باستاپ الماتى قالاسى رەسمي تۇردە تۇركى مەملەكەتتەرى ۇيىمىنىڭ جاستار استاناسى مارتەبەسىنە يە بولادى. بۇل تۋرالى مەملەكەت باسشىسى قاسىم-جومارت توقايەۆ مالىمدەدى.

پرەزيدەنتتىڭ ايتۋىنشا، بۇل باستاما تۇركى ەلدەرى اراسىنداعى دوستىق پەن ىنتىماقتاستىقتى كۇشەيتۋگە باعىتتالعان كەشەندى شارالاردىڭ ءبىر بولىگى.

– قازاقستان تۇركى مەملەكەتتەرىمەن بايلانىستى تەرەڭدەتۋ ءۇشىن ءبىرقاتار ماڭىزدى قادام جاساپ جاتىر. ماسەلەن، تۇركى مەملەكەتتەرى ۇيىمىنىڭ جانىنداعى قازاقستاننىڭ تۇراقتى وكىلى تاعايىندالدى. جاقىن ارادا ۇيىم جانىنان تۇراقتى وكىلدىك اشۋ جوسپارلانىپ وتىر، – دەدى قاسىم-جومارت توقايەۆ.

سونىمەن قاتار، پرەزيدەنت باسقا دا ماڭىزدى باستامالارعا توقتالدى:

• 11-12 ماۋسىم كۇندەرى استانادا تۇركى مەملەكەتتەرى پارلامەنتتىك اسسامبلەياسىنىڭ XIV پلەنارلىق وتىرىسى وتەدى؛

• اقتاۋ قالاسى بيىل تۇركى الەمىنىڭ مادەني استاناسى بولىپ جاريالاندى؛

• قازاقستاننىڭ باستاماسىمەن ورتالىق سايلاۋ ورگاندارىنىڭ كونسۋلتاتيۆتىك پلاتفورماسى قۇرىلىپ، العاشقى وتىرىسى تۇركىستاندا ءوتتى.

– ماۋسىم ايىنان باستاپ الماتى قالاسى تۇركى مەملەكەتتەرى ۇيىمىنىڭ جاستار استاناسى اتانادى. بۇل – تۇركى بىرلىگىن ارتتىرۋعا باعىتتالعان تاعى ءبىر ماڭىزدى قادام، – دەدى پرەزيدەنت توقايەۆ.