استانادا 7 مامىردا ساعات 11:00-دە وتان قورعاۋشىلار كۇنىنە جانە ۇلى وتان سوعىسىنداعى جەڭىستىڭ 80 جىلدىعىنا وراي اۋقىمدى اسكەري شەرۋ وتەدى.

شەرۋ وتەتىن جەردە قاۋىپسىزدىك پەن باقىلاۋ شارالارى كۇشەيتىلەدى. وعان ۇلى وتان سوعىسىنىڭ ارداگەرلەرى، تىل ەڭبەككەرلەرى، اسكەري ءىس-قيمىلداردىڭ ارداگەرلەرى، ق ر قارۋلى كۇشتەرىنىڭ ۇزدىك بولىمشەلەرى، قۇرمەت قاراۋىل روتالارى، ق ر قارۋلى كۇشتەرىنىڭ، وزگە دە اسكەرلەر مەن اسكەري قۇرالىمداردىڭ، اسكەري قۇقىق قورعاۋ ورگاندارىنىڭ جانە ت.ب. ارداگەرلەرى شاقىرىلعان.

"قوعامدىق قاۋىپسىزدىكتى قامتاماسىز ەتۋ جانە ءىس-شارالاردى رەتتەپ وتكىزۋ ماقساتىندا بيىل پارادتى تىكەلەي تاماشالاۋ شەكتەلدى. مۇنداي شەشىم ادامدار كوپ جينالاتىن جاعدايلاردا قاۋىپسىزدىك شارالارىن كۇشەيتۋ قاجەتتىلىگىنە بايلانىستى قابىلداندى. تريبۋناداعى ورىندار سانى شەكتەۋلى جانە الدىن الا بولىنگەن، بۇل پاراد وتكىزۋ كەزىندە ءتيىستى باقىلاۋ مەن ۇيلەستىرۋدى قامتاماسىز ەتۋگە مۇمكىندىك بەرەدى. بۇل – اسكەري تەحنيكا مەن اۆياسيا قاتىساتىن اۋقىمدى ءىس-شارالاردى ۇيىمداستىرۋ كەزىندە قولدانىلاتىن حالىقارالىق ستاندارتتى تاجىريبە"، – دەپ ءتۇسىندىردى ۆەدومستۆو.