ەۋرووداق رەسەيگە قارسى ءتورت سانكسيالىق رەجيمدى ءبىر مەزگىلدە ەنگىزدى. 

20 مامىردا بريۋسسەلدە وتكەن ەۋرووداق ەلدەرىنىڭ سىرتقى ىستەر مينيسترلەرى كەڭەسىندە رەسەيگە قارسى ءبىر ۋاقىتتا ءتورت ءتۇرلى سانكسيالىق رەجيمدى قامتيتىن ەڭ اۋقىمدى شارالار پاكەتى ماقۇلداندى. سانكسيالار:

• ۋكرايناعا قارسى سوعىس جۇرگىزگەنى ءۇشىن؛

• ادام قۇقىقتارىن ورەسكەل بۇزعانى ءۇشىن؛

• باتىس ەلدەرىنە قارسى گيبريدتىك شابۋىلدار جاساعانى ءۇشىن؛

• حيميالىق قارۋ قولدانعانى ءۇشىن ەنگىزىلدى.

بارلىعى 130-دان استام جەكە سانكسيا قابىلداندى. ولار رەسەيدىڭ اسكەري-ونەركاسىپ كەشەنى، "كولەڭكەلى فلوت"، جالعان اقپارات تاراتۋشىلار مەن ءۇشىنشى ەلدەر ارقىلى سانكسيانى اينالىپ وتۋشىلەرگە باعىتتالعان.

ۋكرايناداعى سوعىسقا بايلانىستى 17ء-شى سانكسيالار پاكەتى اياسىندا 75 جاڭا تۇلعا جانە 189 كەمە تىزىمگە قوسىلدى. گيبريدتىك شابۋىلدار ءۇشىن 27، ادام قۇقىقتارىن بۇزعانى ءۇشىن 28 تۇلعاعا سانكسيا سالىندى. حيميالىق قارۋ بويىنشا تىزىمگە رەسەيدىڭ قورعانىس قۇرىلىمدارى مەن زەرتتەۋ ينستيتۋتتارى ەندى.

ەۋروكوميسسيا باسشىسى ۋرسۋلا فون دەر لەيەن جاڭا سانكسيالار پاكەتى دايىندالىپ جاتقانىن ايتتى. ول "سولتۇستىك اعىن" جوبالارى مەن رەسەيلىك مۇناي باعاسىنا قاتىستى شەكتەۋلەردى قامتۋى مۇمكىن.