دونالد ترامپ اقش ەكىنشى دۇنيەجۇزىلىك سوعىسقا باسقا ەلدەرمەن سالىستىرعاندا الدەقايدا ۇلكەن ۇلەس قوسقانىن ايتىپ، 8 مامىردى جەڭىس كۇنى دەپ جاريالادى.
بۇل تۋرالى ترامپ Truth Social الەۋمەتتىك جەلىسىندەگى پاراقشاسىندا جازدى. پرەزيدەنت اقش سوعىسقا باسقا ەلدەردەن كوبىرەك كۇش سالعانىن، ءتىپتى سالىستىرۋعا كەلمەيتىنىن جازدى.
«8 مامىردى ەكىنشى دۇنيەجۇزىلىك سوعىستاعى جەڭىس كۇنى دەپ جاريالايمىن. ال 11 قاراشا — ءبىرىنشى دۇنيەجۇزىلىك سوعىستاعى جەڭىس كۇنى بولادى»، – دەپ جازدى ترامپ.
ترامپ ءوز جازباسىندا اقش-تىڭ ەرلىگى مەن اسكەري شەبەرلىگىنە تەڭ كەلەتىن مەملەكەت جوق ەكەنىن باسا ايتىپ كەتتى.
«ءبىز ەكى سوعىستا دا جەڭدىك. ءبىزدىڭ كۇشىمىزگە، ەرلىگىمىزگە جانە اسكەري شەبەرلىگىمىزگە ەشكىم تەڭ كەلە المادى. ءبىراق ءقازىر ءبىز ەشتەڭە تويلامايمىز. ويتكەنى بىزدە ەندى ونداي كوشباسشىلار جوق. ۋاقىتى كەلدى — جەڭىستەرىمىزدى قايتا تويلايتىن كەز جەتتى!» – دەدى ترامپ.
