مادەنيەت جانە ونەر قىزمەتكەرلەرىنىڭ كاسىبي مەرەكەسى قارساڭىندا اقوردادا سالتاناتتى ءىس-شارا ءوتتى
مەملەكەت باسشىسى قاسىم-جومارت توقايەۆ مادەنيەت جانە ونەر سالاسى قىزمەتكەرلەرىن ماراپاتتاۋ راسىمىندە ءسوز سويلەپ، ولاردىڭ رۋحاني الەمدى بايىتۋعا، حالقىمىزدىڭ ۇلتتىق بولمىسىن ساقتاۋعا قوسىپ جاتقان ولشەۋسىز ۇلەسى ءۇشىن ريزاشىلىعىن ءبىلدىردى.
پرەزيدەنت جارلىعىمەن ۇلتتىق مادەنيەتتى دامىتۋ مەن ناسيحاتتاۋعا قوسقان ەرەكشە ۇلەسى، مادەنيەت سالاسىنداعى ەلەۋلى جەتىستىكتەرى ءۇشىن ءبىرقاتار مادەنيەت جانە ونەر قايراتكەرى ماراپاتتالدى.
ماراپاتتالعاندار قاتارىندا «Almaty» تەلەراديوكومپانياسى باسشىسىنىڭ ءبىرىنشى ورىنباسارى، بەلگىلى مادەنيەت قايراتكەرى بازاربەك قايىربەك ۇلى اتىعايەۆ بار. وعان «قۇرمەت» وردەنى تابىستالدى.
