بۇگىن الماتى قالاسىندا III حالىقارالىق «TYRKI DYNIYESI» ستۋدەنتتىك تەاترلارىنىڭ فەستيۆالى باستالدى. اتالمىش ونەر بايقاۋىن ق ر مادەنيەت جانە اقپارات مينيسترلىگىنىڭ قولداۋىمەن، تۇركسوي ۇيىمىنىڭ باستاماسىمەن، تەمىربەك جۇرگەنوۆ اتىنداعى قازاق ۇلتتىق ونەر اكادەمياسى ۇيىمداستىرىپ وتىر. بايقاۋ مامىردىڭ 20-22 ارالىعىندا وتەدى. فەستيۆالعا ءازىربايجان، قازاقستان، قىرعىزستان، وزبەكستان، تۇركيا جانە تۇركىمەنستان ەلدەرىنەن كەلگەن 100-گە جۋىق ونەرپاز قاتىسادى.

فەستيۆال اياسىندا تۇركىتىلدەس ەلدەردىڭ ستۋدەنتتەرى تەاتر قويىلىمدارىن ساحنالايدى. سونداي-اق شەتەلدىك جانە وتاندىق تەاتر قايراتكەرلەرىنىڭ شەبەرلىك ساباقتارى، شىعارماشىلىق كەزدەسۋلەر مەن تاجىريبە الماسۋعا باعىتتالعان تالقىلاۋلار وتەدى. بۇعان قوسا، زاماناۋي دراماتۋرگيانى دامىتۋعا ۇلەس قوساتىن جاڭا پەسالاردىڭ وقىلىمى ۇيىمداستىرىلادى.

فەستيۆالمەن قاتار، تۇركسوي ۇيىمىنا مۇشە ەلدەردىڭ شىعارماشىلىق جوعارى وقۋ ورىندارى قاۋىمداستىعىنىڭ كەزەكتى وتىرىسى وتەدى. بۇل كەزدەسۋدە تەاترلىق ءبىلىم بەرۋدىڭ زاماناۋي ماسەلەلەرى، وقىتۋ ادىستەمەلەرىن جەتىلدىرۋ، وقۋ ورىندارى اراسىنداعى كاسىبي ىنتىماقتاستىق پەن مادەني الماسۋدى ارتتىرۋ جايى تالقىلانادى.

اكادەميا رەكتورى ارمان جءۇدەبايەۆ بۇل شارانىڭ ماڭىزىن ەرەكشە اتاپ ءوتتى:

2023 جىلى حالىقارالىق تۇركسوي ۇيىمىنىڭ شەشىمىمەن ستۋدەنتتىك تەاتر فەستيۆالىن تۇراقتى تۇردە وتكىزۋ تۋرالى كەلىسىم جاسالدى. العاشقى فەستيۆال وزبەكستاندا ءوتتى، ەكىنشى رەت ءازىربايجاندا ۇيىمداستىرىلدى، ال ءۇشىنشى فەستيۆال بيىل تۇركى الەمىنىڭ مادەني استاناسى الماتى قالاسىندا ءوتكىزىلىپ جاتىر.

فەستيۆالدىڭ نەگىزگى ماقساتى – تۇركى ەلدەرىنەن كەلگەن ستۋدەنتتەر اراسىندا مادەني جانە شىعارماشىلىق ديالوگ ورناتۋ. ءار مەملەكەتتىڭ وزىنە ءتان ءداستۇرى، ساحنا ءتىلى مەن رەجيسسەرلىك باعىتى بار. بۇل شارا سول ەرەكشەلىكتەرمەن تانىسىپ، تاجىريبە الماسۋعا مۇمكىندىك بەرەدى. فەستيۆال – جاس ونەرپازدار ءۇشىن ۇلكەن ساحناعا قادام باسۋعا، كاسىبي باعىت-باعدار الۋعا جانە حالىقارالىق دەڭگەيدە ءوز تالانتتارىن كورسەتۋگە تاماشا مۇمكىندىك.

ءبىزدىڭ باستى ميسسيامىز – تۇركى ەلدەرى اراسىنداعى دوستىق پەن ىنتىماقتاستىقتى نىعايتۋ، ءارى ستۋدەنتتەردىڭ شىعارماشىلىق دامۋىنا پراكتيكالىق قولداۋ كورسەتۋ.

فەستيۆال – بۇل تەك شىعارماشىلىق بايقاۋ عانا ەمەس، تۇركى حالىقتارىنىڭ ورتاق مادەنيەتىن دارىپتەيتىن، جاس بۋىن ونەرپازداردى ءبىر ماقساتقا توعىستىراتىن ماڭىزدى پلاتفورما. تەاتر ارقىلى ءبىر-بىرىن ءتۇسىنىپ، ءوزارا بايلانىس ورناتقان جاستار بولاشاقتا تۇركى الەمىنىڭ مادەني كوپىرىنە اينالارى ءسوزسىز. «TYRKI DYNIYESI» فەستيۆالى سول مادەنيەتتەر ۇندەستىگىن، ونەر ارقىلى دوستىق پەن ىنتىماقتاستىقتى نىعايتۋدىڭ جارقىن ۇلگىسىنە اينالىپ كەلەدى.