استانا قالاسىنىڭ قىلمىستىق ىستەر جونىندەگى سوتى بۇرىنعى سپورت ءمينيسترى ەرلان قوجاعاپانوۆقا ۇكىم شىعاردى. ول ءۇش جىلعا باس بوستاندىعىنان ايىرىلدى.
ول قازاقستان مەن رەسەي اراسىنداعى ءوڭىرارالىق ىنتىماقتاستىق فورۋمىن وتكىزۋگە 2018 جىلى بولىنگەن 1 ميلليارد تەڭگەنى جىمقىردى دەپ تانىلىپ، قىلمىستىق كودەكستىڭ 361-بابىنىڭ 4-بولىگى (اۋىر زارداپتارعا اكەپ سوققان لاۋازىمدىق وكىلەتتىكتەردى اسىرا پايدالانۋ) بويىنشا كىنالى دەپ تانىلدى.
ەكىنشى ايىپتالۋشى — “Success K” كومپانياسىنىڭ باسشىسى لياززات كوككوزوۆا 5 جىلعا باس بوستاندىعىنان ايىرىلدى. ول قىلمىستىق كودەكستىڭ 190-بابى (الاياقتىق) بويىنشا ايىپتالعان.
ەرلان قوجاعاپانوۆ ەكى رەت مادەنيەت جانە سپورت ۆيسە-مينيسترى (2017-2019، 2021 جىلدارى)، سونداي-اق پرەمەر-مينيستردىڭ كەڭەسشىسى (2016-2017، 2021-2022 جىلدارى) قىزمەتتەرىن اتقارعان. سونىمەن قاتار، ول 2019-2021 جىلدارى الماتى قالاسى اكىمىنىڭ ءبىرىنشى ورىنباسارى بولعان.
