پرەزيدەنت قاسىم-جومارت توقايەۆ 19 مامىردا قازاقستان مەن اقش ۇكىمەتى اراسىنداعى الماتى قالاسىنان جەر ۋچاسكەسىن جالعا بەرۋ تۋرالى كەلىسىمدى راتيفيكاسيالاۋ جونىندەگى زاڭعا قول قويدى.
كەلىسىمگە 2024 جىلعى 27 قىركۇيەكتە نيۋ-يوركتە قول قويىلعان. اۋدانى 70 593 شارشى مەتر بولاتىن جەر 49 جىل مەرزىمگە جالعا بەرىلەدى. اقش جاعى جالعا الۋ ءۇشىن 25،3 ملن دوللاردى ءبىر رەتتىك تولەم رەتىندە تولەيدى. سونىمەن قاتار، امەريكالىق تاراپ سالىقتار مەن كەدەندىك تولەمدەردەن بوساتىلادى جانە بارلىق قۇرىلىس، كۇتىپ-ۇستاۋ مەن كوممۋنالدىق شىعىنداردى ءوزى وتەيدى.
بۇل اۋماقتا اقش-تىڭ باس كونسۋلدىعى، ساۋدا مينيسترلىگى، ەسىرتكىگە قارسى كۇرەس اگەنتتىگى جانە كوممەرسيالىق قىزمەت وكىلدىكتەرى ورنالاسادى. جوبا اقش-تىڭ ورتالىق ازياداعى ەڭ ءىرى ۆيزا حابىن قۇرۋدى كوزدەيدى جانە قازاقستانداعى ينۆەستيسيالىق احۋالدى جاقسارتۋعا باعىتتالعان.
كەلىسىم اياسىندا قازاقستاننىڭ حيۋستون قالاسىندا باس كونسۋلدىق اشۋىنا مۇمكىندىك بەرىلەدى.
