تۇركىستان وبلىسىندا جول-كولىك وقيعاسىنان ءۇش ادام كوز جۇمدى، – دەپ حابارلادى Polisia.kz سايتى.

سايت مالىمەتىنشە، 3 ءساۋىر ساعات 20:30 شاماسىندا سامارا-شىمكەنت تاس جولى بويىندا شىمكەنتتىك تۇرعىن ءوزىنىڭ Tayota Camry 50 ماركالى كولىگىمەن جولدىڭ سول جاق بەتىنەن شىققان جىلقىنى قاعىپ كەتكەن.

جول اپاتى سالدارىنان ءۇش ادام وقيعا ورنىندا قايتىس بولعان. ونىڭ ىشىندە ەكەۋى ەرلى-زايىپتى، بىرەۋى ولاردىڭ نەمەرەسى.

كولىك جۇرگىزۋشىسى العان جاراقاتىنان شىمكەنت قالالىق اۋرۋحاناسىنىڭ جانساقتاۋ بولىمىنە تۇسكەن. ول – قازا بولعانداردىڭ كۇيەۋ بالاسى.

اتالعان جايتتى ورداباسى اۋداندىق پوليسيا ءبولىمى قىلمىستىق كودەكستىڭ 345-بابى ("كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى") بويىنشا تىركەۋگە الدى. سوتقا دەيىنگى تەرگەۋ امالدارى جۇرگىزىلىپ جاتىر.