الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس سانيتار دارىگەرى جانداربەك بەكشين قالاداعى ەپيداحۋال تۋرالى باياندادى.

– قازىرگى احۋال كۇردەلى. ءبىراق قىستان بەرى جاساعان دايىندىعىمىز قازىرگى جاعدايدان وتۋگە مۇمكىندىك بەرىپ وتىر. بۇگىندە 7 011 توسەك-ورىن بار. بوس توسەك-ورىن سانى 44،9 پايىز (2 520 ورىن). جانساقتاۋ بولىمىندەگى توسەك-ورىنداردىڭ 62 پايىزى بوس. سوندىقتان بارلىق جاعداي قوعامدىق دەنساۋلىق ساقتاۋ ۇيىمىنىڭ قولىندا، ماسەلە كۇندەلىكتى باقىلاۋدا. الاڭداتاتىن پروبلەما جوق. سەبەبى ءبارى اۋرۋحاناعا دەر كەزىندە جاتقىزىلىپ جاتىر. ولاردىڭ سانى 250-270 شاماسىندا، 500-گە جەتكەن جوق. سوندىقتان قازىرگى تاڭدا لوكداۋن، قالانى جابۋ دەگەن اڭگىمە جوق، – دەدى ول. 

سونداي-اق بەكشين رامازان ايى قارساڭىندا تۇرعىندارعا ۇندەۋ جاسادى.

– ءبىز قاسيەتتى رامازان ايىنىڭ قارساڭىندا ۇندەۋ جولداپ جاتىرمىز. ەستەرىڭىزدە مە، بىلتىر اۋىزاشار كەزىندە كوروناۆيرۋس ينفەكسياسىن جۇقتىرعانداردىڭ سانى ارتقان بولاتىن. وسىنى ەسكەرىپ بيىلعى رامازان ايىندا ءبىزدىڭ ازاماتتارىمىز ۇجىمدىق ءىس-شارالاردى، سونىڭ ىشىندە ۇيگە قوناق شاقىرۋدى ازايتۋلارىن سۇرايمىز، – دەدى باس سانيتار دارىگەر.