ەلگە "سپۋتنيك V" ۆاكسيناسىنىڭ 2 ملن دوزاسى جەتكىزىلەدى. بۇل تۋرالى دەنساۋلىق ساقتاۋ ءمينيسترى الەكسەي سوي ورتالىق كوممۋنيكاسيالار قىزمەتىندە وتكەن بريفينگتە ءمالىم ەتتى.
– قازاقستاندا وندىرۋشىلەرمەن جۇرگىزىلگەن كەلىسسوزدەردى ەسكەرە وتىرىپ، ءبىرىنشى جارتىجىلدىقتا 6 ملن-نان استام ۆاكسينا دوزاسىن سالدىرۋ جوسپارلانۋدا، بۇل ءتيىستى كونتينگەنتتىڭ 64%-ىن قامتۋعا مۇمكىندىك بەرەدى، – دەدى مينيستر.
الەكسەي سوي سونداي-اق ادامدار كوپ جينالاتىن جەرلەردە ۆاكسيناسيا جۇرگىزۋ ءۇشىن جىلجىمالى ەگۋ پۋنكتتەرى ىسكە قوسىلاتىنىن، 8 ساۋىردە "ەلەكتروندىق ۇكىمەت" پورتالىندا "ۆاكسيناسياعا جازىلۋ" قىزمەتىن ىسكە قوسۋ جوسپارلانىپ وتىرعانىن ايتتى.
– ول ءۇشىن ازامات "ەلەكتروندىق ۇكىمەت" پورتالىنا اۆتوريزاسيالانۋى جانە ءوتىنىم بەرۋى قاجەت، وندا تەك تىركەۋ ايماعى بويىنشا مەديسينالىق ۇيىمدى كورسەتۋ قاجەت بولادى، سودان كەيىن ءوتىنىم مەديسينالىق ۇيىمعا بولۋگە تۇسەدى. مەديسينالىق ۇيىم ۆاكسيناسيا جۇرگىزۋ ۋاقىتىن كورسەتە وتىرىپ، وتىنىمدەردى بولەدى. تاراتىلعاننان كەيىن ازامات "ەلەكتروندىق ۇكىمەت" پورتالىندا مەديسينالىق ۇيىمعا باراتىن كۇندى جانە ۋاقىتتى كورەدى، سونداي-اق قوسىمشا SMS حابارلاما الادى، – دەدى ول.
پىكىر قالدىرۋ