پرەزيدەنت قاسىم-جومارت توقايەۆ كەلەسى جولى كوروناۆيرۋسقا قارسى وتاندىق ەكپەنى سالدىرۋعا نيەتتى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي facebook پاراقشاسىندا جازدى.
– ازاماتتارىمىز الەۋمەتتىك جەلىلەردە مەملەكەت باسشىسىنىڭ بۇعان دەيىن قازاقستاندىق ۆاكسينا سالدىرامىن دەپ، ءبىراق ونى كۇتپەي، "سپۋتنيك-V" ەكپەسىن العانى جونىندە سۇراقتار قويۋدا. پرەزيدەنتتىڭ ءارقاشان دا وتاندىق ءونىمدى قولدايتىنىن سەنىمدى تۇردە ايتا الامىن. قاسىم-جومارت توقايەۆ قاراعاندىدا شىعارىلعان ۆاكسينانى سالدىردى جانە ءبىزدىڭ عالىمدارعا تولىق سەنەدى. قازاقستاندىق ۆاكسينا ءوندىرىسى ىسكە قوسىلعاننان كەيىن مەملەكەت باسشىسى جامبىل وبلىسىنا بارىپ، كاسىپورىننىڭ جۇمىسىمەن ارنايى تانىسۋدى جوسپارلاپ وتىر. پرەزيدەنت كەلەسى جولى كوروناۆيرۋسقا قارسى وتاندىق ەكپەنى سالدىرۋعا نيەتتى. پرەزيدەنت كوروناۆيرۋسقا قارسى كۇرەستە حالىقتى جاپپاي ۆاكسيناسيالاۋدان باسقا بالاما جوق ەكەنىنە سەنىمدى، – دەپ جازدى بەرىك ءۋالي.
بۇعان دەيىن پرەزيدەنت ق.توقايەۆ قاراعاندى فارماسيەۆتيكا زاۋىتى شىعارعان رەسەيلىك "سپۋتنيك-V" ۆاكسيناسىن سالدىرعانى حابارلانعان.
پىكىر قالدىرۋ