قىزىلوردا قالاسىنىڭ اكىمى لاۋازىمىنا قازانتايەۆ عانيبەك قونىسبەك ۇلى تاعايىندالدى، دەپ حابارلادى وبلىس اكىمىنىڭ باسپا ءسوز قىزمەتى.
"قازاقستان رەسپۋبليكاسى پرەزيدەنتى اكىمشىلىگى مەن قىزىلوردا قالالىق ءماسليحاتىنىڭ كەلىسىمدەرى بويىنشا وبلىس اكىمىنىڭ 2021 جىلدىڭ 8 ساۋىردەگى وكىمىمەن قىزىلوردا قالاسىنىڭ اكىمى لاۋازىمىنا قازانتايەۆ عانيبەك قونىسبەك ۇلى تاعايىندالدى" دەلىنگەن حابارلامادا.
بۇعان دەيىن قىزىلوردا قالاسىنىڭ اكىمى نۇرلىبەك ماشبەك ۇلى نالىبايەۆ پرەمەر-مينيستر كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى لاۋازىمىنا تاعايىندالعانى حابارلانعان.
عانيبەك قازانتايەۆ 1960 جىلى قىزىلوردا وبلىسىندا تۋعان. جامبىل گيدرومەليوراتيۆتىك-قۇرىلىس ينستيتۋتىن "ينجەنەر-قۇرىلىسشى" جانە قورقىت اتا اتىنداعى قىزىلوردا مەملەكەتتىك ۋنيۆەرسيتەتىن "مۇناي جانە گاز كەنىشتەرىن يگەرۋ" ماماندىقتارى بويىنشا بىتىرگەن.
ەڭبەك جولىن 1980 جىلى جالاعاش اۋداندىق 9-شى جىلجىمالى مەحانيزاسيالانعان كولوننانىڭ ماستەرى رەتىندە باستاعان.
1983-1992 جىلدارى قىزىلوردا وبلىسىنداعى قۇرىلىس ۇيىمدارىندا ماستەر، اعا جۇمىس ءوندىرۋشى، وندىرىس-تەحنيكالىق ءبولىمىنىڭ باستىعى، 3ء-شى اۋدانارالىق مامانداندىرىلعان جىلجىمالى مەحانيزاسيالانعان كولوننانىڭ باس ينجەنەرى.
1992-2013 جىلدارى «نەفتەگازستروي كىزىلوردا» كورپوراسياسىنىڭ پرەزيدەنتى، «اي-دان» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ ورىنباسارى، «سسك «اقمەشىت» اكسيونەرلىك قوعامىنىڭ پرەزيدەنتى، «اي-دان مۇناي» جاۋاپكەرشىلىگى شەكتەۋلى سەرىكتەستىگىنىڭ اتقارۋشى ديرەكتورى، «سىرداريامۇناي» اكسيونەرلىك قوعامىنىڭ باس ديرەكتورى، «ترانسنەفتسەرۆيس» بك» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى، «Kazpetrol Group» جاۋاپكەرشىلىگى شەكتەۋلى سەرىكتەستىگىنىڭ اتقارۋشى ديرەكتورى.
2013-2019 جىلدارى سىرداريا اۋدانىنىڭ اكىمى قىزمەتىن اتقارعان.
2019 جىلعى قىركۇيەك ايىنان باستاپ ق ر ەنەرگەتيكا مينيسترلىگىنىڭ مۇناي-گاز كەشەنىندەگى مەملەكەتتىك ينسپەكسياسىنىڭ وڭتۇستىك ءوڭىرارالىق باسقارماسىنىڭ باسشىسى قىزمەتىن اتقارىپ كەلدى.
پىكىر قالدىرۋ