وڭتۇستىك جۇڭگو تەڭىزىندەگى اسكەري بەلسەندىلىك كۇشەيدى. قىتايدىڭ سوعىس ۇشاقتارىن الىپ جۇرەتىن اسكەري كەمەسى داۋلى ايماققا كىردى جانە اقش اسكەري-تەڭىز كۇشتەرىنىڭ ەكسپەديسيالىق سوققى توبى ايماقتا جاتتىعۋ وتكىزدى.
جۇڭگو داۋلى تەڭىزدە سوعىس كەمەلەرىن جينادى. ال اقش پەن فيليپپين بىرلەسكەن جاتتىعۋلارعا دايىندالىپ، اقش-تىڭ قورعانىس ءمينيسترى ۆاشينگتون مەن مانيلا اراسىنداعى اسكەري ىنتىماقتاستىقتى تەرەڭدەتۋ جولدارىن ۇسىندى.
قىتايدىڭ مەملەكەتتىك Global Times باسىلىمى ەلدىڭ العاشقى سوعىس ۇشاقتارىن تاسيتىن اسەري كەمەسى "لياونين" تايۆان اينالاسىنداعى ءبىر اپتالىق اسكەري-تەڭىز جاتتىعۋلارىن اياقتاعانىن جاريالاعان. ودان كەيىن وڭتۇستىك جۇڭگو تەڭىزىنە كىرگەنىن حابارلادى. "ءلياونيننىڭ" پوزيسياسى تۋرالى رەسمي حابارلاما جاسالمادى، دەگەنمەن قىتايلىق باسىلىم وقيعاعا قاتىستى سپۋتنيكتىك سۋرەتتەردى جاريالادى.
پىكىر قالدىرۋ