مەملەكەت باسشىسى پارلامەنت سەناتىنىڭ ءتوراعاسى ماۋلەن اشىمبايەۆتى قابىلدادى، دەپ حابارلادى اقوردا سايتى.
سايت مالىمەتىنشە، سەنات ءتوراعاسى پرەزيدەنتكە پارلامەنتتىڭ جوعارعى پالاتاسىنىڭ زاڭ شىعارۋشىلىق قىزمەتى تۋرالى مالىمەت بەرگەن.
ماۋلەن اشىمبايەۆ سەناتتىڭ قاراۋىندا جاتقان زاڭ جوبالارى جونىندە حابارلادى. ولاردىڭ ىشىندە مەملەكەت باسشىسىنىڭ باستاماسىمەن ەنگىزىلگەن جەر قاتىناستارىن رەتتەيتىن تۇزەتۋلەر دە بار.
سپيكەر ءماجىلىس ماقۇلداعان زاڭ جوباسى وسى ايدىڭ اياعىنا دەيىن سەناتتىڭ وتىرىسىنا ەنگىزىلەتىنىن، سودان كەيىن قۇجات پرەزيدەنتكە قول قويۋعا جىبەرىلەتىنىن ايتتى.
ال سايلاۋ زاڭناماسىنا ەنگىزىلەتىن وزگەرىستەردى سەناتورلار ءماجىلىستىڭ قاراۋىنان ءوتۋىن كۇتىپ وتىرعانى حابارلاندى. ماۋلەن اشىمبايەۆتىڭ ايتۋىنشا، سەنات بۇل ماسەلەنى مامىر ايىنىڭ ءبىرىنشى ونكۇندىگىندە قاراپ، ءتيىستى زاڭ جوباسىن قابىلداۋدى جوسپارلاپ وتىر.
پىكىر قالدىرۋ