جەرگىلىكتى كاسىپكەرلەردىڭ ماسەلەلەرىن جەكە تارتىپتە قاراستىرىلاتىن بولادى.
بۇگىن الماتى قالاسى اكىمىنىڭ ورىنباسارى ماقسات قيقىموۆتىڭ قاتىسۋىمەن جەرگىلىكتى قامتۋدى باقىلاۋ جونىندەگى كوميسسيانىڭ كەزەكتى وتىرىسى ءوتتى. ءىس-شاراعا الماتى قالاسى كاسىپكەرلەر پالاتاسى وڭىرلىك كەڭەسىنىڭ ءتوراعاسى ماكسيم بارىشيەۆ، وڭىرلىك كاسىپكەرلەر پالاتاسىنىڭ ديرەكتورى ايتۋار قوشمامبەتوۆ، جەرگىلىكتى اتقارۋشى ورگاندار مەن بيزنەس-قوعامداستىعىنىڭ وكىلدەرى قاتىستى.
وتاندىق تاۋار وندىرۋشىلەردى قولداۋ قالانىڭ جۇمىسپەن قامتىلۋىن ساقتاۋ مەن ەكونوميكالىق ءوسۋىنىڭ باستى ولشەمدەرىنىڭ ءبىرى بولىپ تابىلادى. قازىرگى تاڭدا پاندەميا كەزەڭىندە وتاندىق كاسىپورىنداردى قولداۋ بۇرىنعىدان دا ماڭىزدى.
وڭىرلىك كەڭەس ءتوراعاسى ماكسيم بارىشيەۆ باستاعان الماتى قالاسىنىڭ بيزنەس-قوعامداستىعى قازاقستاندىق تاۋار اينالىمىنا، سونداي-اق جەرگىلىكتى كاسىپورىنداردى قولداۋ شارالارىنا ىقپال ەتەتىن ءبىرقاتار ماسەلەلەردى كوتەردى.
وتىرىس بارىسىندا قالا اكىمىنىڭ ورىنباسارى ماقسات قيقىموۆ ورىن العان ماسەلەلەرگە كەشەندى تۇردە قاراۋدى جانە باس مەردىگەرلەردىڭ بيۋدجەتتىك باعدارلامالارىنىڭ اكىمشىلەرىمەن اپتا سايىن كەزدەسىپ، ءاربىر جاعدايدى جەكە قاراستىراتىن الماتى قالاسى كاسىپكەرلەر پالاتاسىنىڭ وڭىرلىك كەڭەس مۇشەلەرىنەن جۇمىس توبىن قۇرۋدى ۇسىندى.
مۇنداي پىكىرتالاس ولاردىڭ اراسىندا تۋىنداعان ماسەلەلەردى شەشۋگە ىقپال ەتەدى. جۇمىس توبىن قۇرۋدىڭ باستى ماقساتى – جەرگىلىكتى تاۋار وندىرۋشىلەردى قولداۋ.
ءوز كەزەگىندە وڭىرلىك كەڭەس باسشىسى ماكسيم بارىشيەۆ بۇل باستامانى قولداپ، سونداي-اق مەملەكەتتىك ساتىپ الۋداعى يمپورتتى باقىلاۋ ماقساتىندا كاسىپورىندارعا كوشپەلى مونيتورينگتىك توپتار قۇرۋدىڭ ماڭىزدىلىعىن اتاپ ءوتتى.
پىكىر قالدىرۋ