قازاقستاننىڭ ەڭبەك سىڭىرگەن ءارتىسى عازيزا ابدىنابييەۆا 73 جاسىنا قاراعان شاعىندا كوروناۆيرۋستان قايتىس بولدى.
قارالى حاباردى قازاقستاننىڭ ەڭبەك سىڭىرگەن قايراتكەرى اسحات ماەميروۆ الەۋمەتتىك جەلىدەگى پاراقشاسىندا حابارلادى.
– قازاق تەاترى مەن كينو ونەرىنىڭ ماقتانىشىنا اينالعان عازيزا ابدىنابييەۆا دۇنيەدەن ءوتتى. اتى جامان تاجال اۋرۋ ەشكىمدى ايامادى.
جارتى عاسىر بويى قازاق تەاترىنىڭ تورىندە شىنايىلىعىمەن، تابيعي تالانتىمەن كورەرمەنىن تامساندىرعان قازاقستاننىڭ ەڭبەك سىڭىرگەن ءارتيسى، "پاراسات"، "قۇرمەت" وردەندەرىنىڭ يەگەرى عازيزا ابدىنابييەۆا – جانى مەن جۇرەگى مەيىرىمگە تولى، ادالدىقتى تۋ ەتكەن بولمىسى بولەك جان ەدى، – دەپ جازدى ا. ماەميروۆ.
عازيزا ابدىنابييەۆا 1948 جىلى 3 قاڭتاردا قىزىلوردا وبلىسى سىرداريا اۋدانى تورعاتاي اۋىلىندا دۇنيەگە كەلگەن.
1970 جىلى قازاق ۇلتتىق كونسەرۆاتورياسىندا "اكتەرلىك شەبەرلىك" فاكۋلتەتىن بىتىرگەن.
1969-1993 جىلدارى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا اكتريسا بولىپ جۇمىس ىستەگەن.
1993 جىلدان مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا اكتريسا بولىپ قىزمەت اتقارعان.
1994 جىلدان باستاپ ت.جۇرگەنوۆ اتىنداعى قازاق ۇلتتىق ونەر اكادەمياسىندا "اكتەرلىك شەبەرلىك" ماماندىعىنان ءدارىس بەرگەن.
1970 جىلى قازاق ۇلتتىق كونسەرۆاتورياسىندا "اكتەرلىك شەبەرلىك" فاكۋلتەتىن بىتىرگەن.
1969-1993 جىلدارى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا اكتريسا بولىپ جۇمىس ىستەگەن.
1993 جىلدان مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا اكتريسا بولىپ قىزمەت اتقارعان.
1994 جىلدان باستاپ ت.جۇرگەنوۆ اتىنداعى قازاق ۇلتتىق ونەر اكادەمياسىندا "اكتەرلىك شەبەرلىك" ماماندىعىنان ءدارىس بەرگەن.
1977 جىلى "نان"، 1982 جىلى "قاۋىن"، 1990 جىلى "قىز جىلاعان"، 2009 جىلى "ءبىرجان سال"، 2002 جىلى "ءلايلانىڭ زارى" سەكىلدى فيلمدەرگە تۇسكەن.
پىكىر قالدىرۋ