پرەزيدەنت قاسىم-جومارت توقايەۆ سىرتقى ىستەر سالاسىندا كادرلىق ءاۋىس-تۇيىس جاسادى، دەپ حابارلادى اقوردا سايتى.
ءراپىل جوشىبايەۆ قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا، مارعۇلان بايمۇحان قازاقستان رەسپۋبليكاسىنىڭ بەلگيا كورولدىگىندەگى توتەنشە جانە وكىلەتتى ەلشىسى لاۋازىمىنا، ەۋروپا وداعىنىڭ جانىنداعى جانە سولتۇستىك اتلانت شارتى ۇيىمىنداعى (ناتو) قازاقستان رەسپۋبليكاسى وكىلدىگىنىڭ باسشىسى لاۋازىمىنا، نۇرلان جالعاسبايەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.
سونىمەن قاتار ەرلان التىنباي ۇلى قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى.
ول بۇعان دەيىن قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىن، قازاقستان رەسپۋبليكاسىنىڭ شري-لانكا دەموكراتيالىق سوسياليستىك رەسپۋبليكاسىنداعى، بانگلادەش حالىق رەسپۋبليكاسىنداعى، نەپال فەدەراتيۆتىك دەموكراتيالىق رەسپۋبليكاسىنداعى، بۋتان كورولدىگىندەگى، مالديۆ رەسپۋبليكاسىنداعى توتەنشە جانە وكىلەتتى ەلشىسى لاۋازىمىن قوسا اتقارعان.
پىكىر قالدىرۋ