قازاقستاندىق بوكسشى گەنناديي گولوۆكين (41-1-1، 36 كو) جىل سوڭىنا قاراي جاپونيالىق ريوتا مۋراتامەن (16-2، 13 كو) جەكپە-جەك وتكىزۋدى جوسپارلاپ وتىر، دەپ حابارلادى sports.kz سايتى.
گولوۆكين مەن مۋراتا وكىلدەرى جاپونيادا بىرلەسكەن جۇدىرىقتاساتىنى تۋرالى تالقىلاعانىن الدىمەن Dazn ءتىلشىسى كريس مەننيكس حابارلادى. ونىڭ ايتۋىنشا، كەزدەسۋ جەلتوقساندا، ياعني جاڭا جىل قارسىڭىندا بولۋى مۇمكىن.
سودان كەيىن گولوۆكيننىڭ پروموۋتەرلەرىنىڭ ءبىرى ەددي حيرن اقپاراتتى راستادى. سونداي-اق حيرن بۇل جەكپە-جەكتىڭ الدىندا گولوۆكين ورتا سالماقتاعى الەم چەمپيونى امەريكالىق دەمەتريۋس اندرادەگە (30-0، 18 كو) قارسى كەزدەسۋ وتكىزەتىنىنە سەنىم ءبىلدىردى.
