الەۋمەتتىك جەلىدە قوستاناي وبلىسىندا سۋ بەتىندەگى مۇزدار اعىپ، تاس جولعا جاقىنداپ كەلە جاتقانى تۇسىرىلگەن ۆيدەو تارالدى. بۇل تۋرالى alau.kz سايتى حابارلادى.
ۆيدەودا كولىكپەن كەلە جاتقان ازاماتتار سۋ بەتىندەگى مۇزدىڭ جىلجىپ، تراسساعا جاقىنداپ كەلە جاتقانىن ايتقان.
– مەن مۇندايدى ەشقاشان كورگەن ەمەسپىن، – دەيدى جەڭىل كولىك جۇرگىزۋشىسى.
جولاۋشىلار كولىگى باسقارماسىنىڭ مالىمەتىنشە، 18 ساۋىردەن باستاپ سارىكول اۋدانىنداعى تاس جولدا كولىك قوزعالىسى توقتاعان.
– 19 ءساۋىر تاڭعى ساعات 8:00-دە بيىكتىگى 5 مەتر مۇز جولدى جاپتى. بۇل – تابيعي قۇبىلىس. مۇنىڭ ءبارى قاتتى جەلدىڭ سالدارىنان بولدى، – دەدى قوستاناي وبلىستىق جولاۋشىلار كولىگى باسقارماسىنىڭ باسشىسى ولجاس نۇرعالييەۆ.
پىكىر قالدىرۋ