چەحيانىڭ رەسەيلىك 18 ديپلومات-شپيوندى ەلدەن شىعارىپ جىبەرۋىندە ءمان بار ەكەن. پراگا 2014 جىلى چەحياداعى قارۋ-جاراق، ءوق-دارى قويماسىنىڭ جارىلىپ كەتۋىندەگى رەسەيدىڭ ءرولى تۋرالى ماسەلەنى تالقىلاۋعا ناتو-عا ۇسىنىس جاساپتى. پراگا 2014 جىلى چەحياداعى قارۋ-جاراق، ءوق-دارى قويماسىنىڭ جارىلۋىنداعى رەسەيدىڭ ءرولىن تالقىلاۋ تۋرالى ناتو-عا ۇسىنىس جاسادى. رەسەي بۇعان جاۋاپ رەتىندە چەحيالىق 20 ديپلوماتتى رف-دان قۋعالى جاتىر. چەحيانىڭ 18 ديپلوماتتى ەلدەن قۋۋىن پولشا مەن اقش مەملەكەتتىك دەپارتامەنتى قولداعان.

قازىرگى كەزدە باتىس ەلدەرىنىڭ بارلىعى رەسەيگە قارسى قوزعالىس ۇستىندە. شاماسى ونىڭ باسقا ەلدەردىڭ ىشكى ىستەرىنە تۇمسىعىن سۇعا بەرۋى ولاردىڭ دا قىتىعىنا ابدەن تيسە كەرەك. ءبىراق ءبارى ترامپ كەزىندە اشىق ايتۋعا باتا الماي ىشتەرىنەن تىنعان سياقتى. پولشانىڭ، چەحيانىڭ، ونىڭ الدىندا ۇلىبريتانيانىڭ، نورۆەگيانىڭ دەمارشتارى وسىنىڭ ايعاعى.

ءبىراق بارىنەن دە اسىپ تۇسكەنى ەستونيانىڭ ەكس-پرەزيدەنتى تووماس حەندريك يلۆەستىڭ مالىمدەمەسى بولدى. ول جالپى رەسەيلىكتەرگە ۋاقىتشا ەۋرووداققا كىرۋگە تىيىم سالۋ كەرەك دەپتى تۋيتتەردەگى جازباسىندا.

"مۇنداي ۋاقىتشا ءۇزىلىس رف تاراپىنان كەز كەلگەن ۆيزيتكە قاتىستى بولسا دەيمىن. بارلىق قارىم-قاتىناستى مۇلدەم توقتاتۋ كەرەك. قىرىمعا باسىپ كىرگەنگە دەيىن وسى ءبىر وركوكىرەك ادامدار ءتىپتى ەو-مەن ۆيزاسىز رەجيم ەنگىزۋ كەرەك دەپ تالاپ قويعان بولاتىن. جاي عانا ۆيزا بەرۋدى توقتاتىڭىز، بولدى. تەك كەيبىر وتباسى جاعدايلارىنا بايلانىستى توتەنشە جاعدايلار بولسا، سونى ەسكەرۋ كەرەك شىعار. ەۋروپانىڭ قاۋىپسىزدىگى تۇرعاندا قايداعى ۆيزا؟ دەپ جازدى يلۆەس.

"رەسەيمەن اراداعى بارلىق ەلشىلىكتەردى جابۋ كەرەك" دەگەن ۇسىنىس بۇعان دەيىن دە ايتىلعان بولاتىن. ەندى ەستونيانىڭ بۇرىنعى باسشىسىنىڭ اۋزىمەن ايتىلىپ وتىرعان ۇسىنىس – رەسەي ماسەلەسىن ناقتى، تۇبەگەيلى شەشۋ جولدارىنىڭ ءبىرى، بۇل رەسەيگە دەگەن باتىس ەلدەرىنىڭ قازىرگى كوزقاراسى دەۋگە بولادى.

قۋانىش ەدىلحانتەگى

شولۋشى