اتىراۋ وبلىسى قۇرمانعازى اۋدانىنىڭ كوپتوعاي اۋىلىنداعى شەكارالىق قورشاۋ بۇزىلدى. بۇل تۋرالى قۇرمانعازى اۋدانىنىڭ اكىمى مارات مۇرزييەۆ مالىمدەدى، دەپ حابارلادى اق جايىق سايتى.
باسىلىم مالىمەتىنشە، اكىم كەشە جەرگىلىكتى تۇرعىنداردىڭ نارازىلىعىن تۋدىرعان قيعاش وزەنىنىڭ جاعاسىندا ورناتىلعان شەكارا بەلگىلەرى الىنعانىن ايتقان.
– 13 جانە 16 ساۋىردە جەرگىلىكتى تۇرعىندارمەن ءتۇسىندىرۋ جۇمىستارى جۇرگىزىلدى. ءقازىر وزەنگە مال سۋارۋعا جانە ەگىندى سۋارۋعا قول جەتكىزۋ مۇمكىندىگى قاراستىرىلدى. بۇل ءۇشىن ەشقانداي كەدەرگى جوق، – دەدى مىرزييەۆ.
بۇعان دەيىن اتىراۋ وبلىسىنىڭ وڭىرلىك كوممۋنيكاسيالار قىزمەتى 14 ساۋىردە قازاقستان مەن رەسەي شەكاراسىن ماڭىنداعى قۇرمانعازى اۋدانىنىڭ كوپتوعاي اۋىلىندا جاڭا شەكارالىق قورشاۋ سالۋ جۇمىستارى باستالعانىن حابارلانعان. اۋىل تۇرعىندارى "قيعاش وزەنىنىڭ ءبىر ءيىرىمىن شارۋاشىلىققا پايدالانىپ وتىرمىز" دەپ شەكارا قورشاۋىنا قارسىلىق بىلدىرگەن. الەۋمەتتىك جەلى قولدانۋشىلارى بۇل ماسەلەگە ۇكىمەت، پرەزيدەنت جانە سىرتقى ىستەر مينيسترلىگى جاۋاپ بەرۋگە ءتيىس ەكەنىن ايتقان بولاتىن. ال قۇرمانعازى اۋدانىنىڭ اكىمى مارات مۇرزييەۆ وبلىس اكىمدىگىنىڭ facebook-تەگى پاراقشاسىندا بۇل جۇمىستار ءقازىر ەمەس، بۇرىن باستالۋى كەرەك ەكەنىن، ءبىراق ءارتۇرلى سەبەپتەرمەن جۇرگىزىلمەي كەلگەنىن جازعان.
پىكىر قالدىرۋ