ەلدە 18 ساۋىردە كوروناۆيرۋستان 30، پنيەۆمونيادان 3 ادام قايتىس بولعان. بۇل تۋرالى دەنساۋلىق ساقتاۋ مينيسترلىگى حابارلادى.

مينيسترلىك دەرەگىنشە، ەلدە تاعى 2530 ادامنان كوروناۆيرۋس، 11 ادامنان پنيەۆمونيا انىقتالعان.

20 ساۋىردەگى مالىمەت بويىنشا، 38 634 ادام كوروناۆيرۋستان، 363 ادام پنيەۆمونيادان ەمدەلىپ جاتىر. ولاردىڭ ىشىندە 13 836 پاسيەنت ستاسيوناردا، 25 161 ناۋقاس امبۋلاتوريالىق دەڭگەيدە ەم قابىلداۋدا.  

ىندەتكە شالدىققانداردىڭ اراسىندا 663 ادامنىڭ جاعدايى اۋىر، 176 پاسيەنتتىڭ جاعدايى وتە اۋىر، 96 ناۋقاس ءوجج اپپاراتىندا جاتىر.

2020 جىلعى 13 ناۋرىزدان 2021 جىلعى 19 ساۋىرگە دەيىن ەل بويىنشا رەسمي تۇردە كوروناۆيرۋستىڭ 292 250 جاعدايى تىركەلگەن. ونىڭ ىشىندە 3436 ادام قايتىس بولعان. 2020 جىلعى 1 تامىزدان باستاپ جۇرگىزىلە باستاعان پنيەۆمونيا ستاتيستيكاسى بويىنشا، 51 890 جاعداي تىركەلىپ، 754 جاعداي ولىممەن اياقتالعان.

2021 جىلعى 1 اقپاندا باستالعان ۆاكسيناسيا اياسىندا بۇگىندە 733 980 ادامعا ەكپە سالىنعان.