ۇكىمەتتىڭ كەڭەيتىلگەن وتىرىسىندا دەنساۋلىق ساقتاۋ ءمينيسترى الەكسەي سوي ەلدەگى ەپيدەميلوگيالىق جاعدايعا بولجام جاسادى.
– وپتيميستىك سەنارييگە ساي ۆاكسيناسيا كەستە بويىنشا جالعاساتىن بولسا، ءساۋىر ايىنىڭ سوڭىندا ناۋقاس سانى تاۋلىگىنە 3 مىڭعا دەيىن تىركەلەدى. ال رەاليستىك سەناريي كەزىندە ۆاكسينالاۋ كەستەگە ساي جۇرگەندە مامىر ايىنىڭ ورتاسىندا تاۋلىگىنە ۆيرۋس جۇقتىرعاندار 4000 مىڭ ادامعا دەيىن تىركەلۋى مۇمكىن دەپ بولجانۋدا، – دەدى سوي.
ونىڭ ايتۋىنشا، ۆاكسيناسيا ەلدەگى احۋالدى تۇراقتاندىرمايدى، سەبەبى يممۋنيتەتتىڭ تۇزىلۋىنە ۋاقىت قاجەت.
– قازىرگى ۋاقىتتا 188 مىڭ ۆاكسينا دوزاسى بار. ۆاكسينا كەستەگە ساي كەزەڭ-كەزەڭمەن جەتكىزىلىپ جاتىر. ايدىڭ اياعىنا دەيىن 2 ملن ادامدى ۆاكسينالاۋ جوسپارلانىپ وتىر، – دەدى مينيستر ۇكىمەت وتىرىسىندا.
پىكىر قالدىرۋ