چەرنوبىل جارىلىسىنىڭ رادياسياسىنا ۇشىراعان ادامداردىڭ بالالارىندا "دنق-نىڭ قوسىمشا زاقىمدانۋى" جوق ەكەنى جاريالاندى.
بۇل چەرنوبىلدەگى يادرولىق اپاتتان زارداپقا ۇشىراعان ادامداردىڭ بالالارىنىڭ گەندەرىن سكرينينگتىك زەرتتەۋدىڭ العاشقى ناتيجەلەرى نەگىزىندە بەلگىلى بولدى.
قاتىسۋشىلاردىڭ بارلىعى اپاتتان كەيىن ياعني 1987-2002 جىلدارى تۋعان، ولاردىڭ بارلىق گەنومدارى سكرينينگتىك تەكسەرۋدەن ءوتتى.
زەرتتەۋ بارىسىندا اتا-انانىڭ اسەرىنە بايلانىستى ەشقانداي مۋتاسيالار تابىلعان جوق. زەرتتەۋلەر Science جۋرنالىندا جاريالانعان.
لوندون يمپەراتورلىق كوللەدجىنىڭ پروفەسسورى گەرري توماس ونشاقتى جىل بويى ونكولوگيالىق اۋرۋلاردىڭ بيولوگياسىن، اسىرەسە رادياسيالىق زاقىممەن بايلانىستى ىسىكتەردى زەرتتەدى. جاڭا زەرتتەۋ ادامدار رادياسيانىڭ سالىستىرمالى تۇردە جوعارى دوزالارىنا ۇشىراعان كەزدە دە، فوندىق رادياسيامەن سالىستىرعاندا، ولاردىڭ بولاشاق بالالارىنا ەشقانداي اسەر ەتپەيتىنىن كورسەتكەن.
پىكىر قالدىرۋ