الماتى سانيتارلىق-ەپيدەميولوگيالىق باقىلاۋ دەپارتامەنتى بەلسەندى جانبولات مامايدىڭ ازاماتتاردى ميتينگكە شاقىرۋ تۋرالى مالىمدەمەسىنە تۇسىنىكت بەردى.
"جانبولات مامايدىڭ ميتينگىگە شىعۋعا بايلانىستى ۇندەۋىنە قاتىستى الماتى قالاسى "قىزىل" ايماقتا بولۋىنا وراي بۇقارالىق ءىس-شارالار وتكىزۋگە تىيىم سالىنعانىن جەتكىزەدى. بۇل تىيىم قالانىڭ باس سانيتار دارىگەرىنىڭ قاۋلىسىندا كورسەتىلگەن" دەلىنگەن حابارلامادا.
بۇعان دەيىن بەلسەندى جانبولات ماماي مەن ونىڭ جاقتاستارى 24 ءساۋىر كۇنى الماتىداعى ءۋاليحانوۆ الاڭىندا ميتينگ شىعاتىنىن مالىمدەپ، ازاماتتاردى الاڭعا كەلۋگە شاقىرعان. ولار قازاقستاننىڭ "بارلىق باعىتتاعى جەرى شەتەلدىكتەرگە جالعا بەرىلمەسىن ءارى ساتىلماسىن! مۇنى تەك قانا جەر كودەكسىنە ەمەس، كونستيتۋسياعا جازىپ، بەكىتۋدى كەرەك"، قازاقستاننىڭ اۋىل شارۋاشىلىعى جەرلەرى ەل ازاماتتارىنا دا ساتىلماۋعا ءتيىس"، "قىتايدىڭ 56 زاۋىتىنىڭ قۇرىلىسىن جۇرگىزۋگە ءبىز تۇبەگەيلى قارسىمىز!" دەگەن تالاپتارمەن شىقپاق.
بەلسەندى سونداي-اق الماتى سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمدەمەسىنە قاراماستان ميتينگ وتەنىنىن حابارلادى.
پىكىر قالدىرۋ