قازاقستاندىق ساياساتتانۋشى جانە پۋبليسيست داستان قادىرجانوۆ 55 جاسىندا دۇنيەدەن ءوتتى. بۇل تۋرالى جۋرناليست ەرمۇرات باپي الەۋمەتتىك جەلىدەگى پاراقشاسىندا حابارلادى.

"اتىڭ وشكىر كوروناۆيرۋس كەساپاتى داستاندى الىپ كەتتى! اسقان ءبىلىمدار ازاماتتان، قوعامى مەن حالقىنا جانۇشىرعان جاناشىر جىگىتتەن، سۇڭعىلا ساياساتكەردەن ايىرىلىپ قالدىق! ول جان-جاقتى تالانتتى تۇلعا بولدى: پۋبليسيست، جازۋشى، اقىن، كينودراماتۋرگ، ساياساتتانۋشى، ساياساتتەحنولوگى جانە قاراپايىم جاقسى قازاق ەدى" دەلىنگەن جەلىدەگى جازبادا.

داستان قادىرجانوۆ 1966 جىلى 2 قازاندا الماتىدا دۇنيەگە كەلگەن. ماماندىعى تاريحشى-شىعىستانۋشى بولعان. ماسكەۋ مەملەكەتتىك ۋنيۆەرسيتەتىنىڭ ازيا جانە افريكا ەلدەرى ينستيتۋتىن بىتىرگەن. 1984-1986 جىلدارى كسرو قارۋلى كۇشتەرى قاتارىندا بولعان.

داستان قادىرجانوۆ دىنمۇحامەد قونايەۆتىڭ نەمەرە ءىنىسى.