قالا اكىمى باقىتجان ساعىنتايەۆتىڭ توراعالىعىمەن قالالىق قۇرىلىمداردىڭ، كۆازيمەملەكەتتىك سەكتور، جوبالىق كەڭسەلەر، سىبايلاس جەمقورلىققا قارسى قىزمەت وكىلدەرىنىڭ، سونداي-اق قوعامدىق پىكىر كوشباسشىلارىنىڭ قاتىسۋىمەن سىبايلاس جەمقورلىققا قارسى كوميسسيانىڭ وتىرىسى ءوتتى.

القالى باسقوسۋدا جەرگىلىكتى اتقارۋشى ورگانداردىڭ 2018-2020 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جونىندەگى ءىس-شارالار جوسپارىن جۇزەگە اسىرۋ ماسەلەلەرى، سونداي-اق «الماتى – ادالدىق الاڭى» جوبالىق كەڭسەسى قىزمەتىنىڭ ناتيجەسى قارالدى.

جالپى ءىس-شاراعا قاتىسۋشىلار سىبايلاس جەمقورلىقتىڭ الدىن الۋ مەن ونى جويۋعا باعىتتالعان زاماناۋي سىبايلاس جەمقورلىققا قارسى ۇلتتىق ساياساتتى قالىپتاستىرۋ جولىنداعى ماڭىزدى باسىمدىقتاردى اتاپ ءوتتى.

ق ر سىبايلاس جەمقورلىققا قارسى ءىس-قيمىل اگەنتتىگىنىڭ پاراساتتىلىق دەپارتامەنتىنىڭ ديرەكتورى عانيجان اسان ۇلى سىبايلاس جەمقورلىق تاۋەكەلدەرىن ودان ءارى جويۋ ماقساتىندا نورماتيۆتىك-قۇقىقتىق بازا مەن ۇيىمداستىرۋشىلىق-باسقارۋشىلىق قىزمەتتىڭ ەرەكشەلىكتەرىن زەردەلەۋ ارقىلى اكىمدىكتە سىبايلاس جەمقورلىقتىڭ الدىن الۋ دەڭگەيىن ارتتىرۋ قاجەتتىگىن اتاپ ءوتتى.

اكىمنىڭ ورىنباسارى، «الماتى – ادالدىق الاڭى» جوبالىق كەڭسەسىنىڭ كۋراتورى ەرجان باباقۇماروۆ جوبا كەڭسەسى «ادالدىق الاڭى»، «ادال كومەك» جانە اقپاراتتىق ءبىلىم بەرۋ شتابى» جوبالارى اياسىندا قوعام وكىلدەرى مەن بەلسەندى قايراتكەرلەردى تارتا وتىرىپ، سىبايلاس جەمقورلىقتىڭ الدىن الۋ جانە قوعامداعى ادالدىق يدەولوگياسىن قالىپتاستىرۋ بويىنشا اۋقىمدى جۇمىستار جۇرگىزىپ جاتقانىن جەتكىزدى.

سونىمەن قاتار، جيىندا اكىمشىلىك قۇقىق بۇزۋشىلىق تۋرالى كودەكسى شەڭبەرىندە سىبايلاس جەمقورلىققا قارسى شارالاردى قابىلداماعانى ءۇشىن مەنەدجەرلەردىڭ جاۋاپكەرشىلىگىن ارتتىرۋ ماقساتىندا سىبايلاس جەمقورلىققا قارسى زاڭنامالىق جاڭالىقتار ءتۇسىندىرىلدى.

سىبايلاس جەمقورلىققا قارسى زاڭناما ماقساتتى جانە دايەكتى ساياسي مودەرنيزاسياعا سايكەس حالىقارالىق ستاندارتتاردى ەسكەرە وتىرىپ دامۋدا.

جيىن سوڭىندا باقىتجان ساعىنتايەۆ قالادا سىبايلاس جەمقورلىقتىڭ الدىن الۋدى ودان ءارى كۇشەيتۋ، دامۋشى ەلىمىزدىڭ سىبايلاس جەمقورلىققا قارسى ساياساتىنا سايكەس اكىمشىلىك راسىمدەردى رەتتەۋدى جەتىلدىرۋ بويىنشا ناقتى تاپسىرمالار بەردى.