• Moderna كومپانياسى حالىقارالىق COVAX مەحانيزمى اياسىندا دامۋشى ەلدەر ءۇشىن COVID-19-عا قارسى 500 ملن ۆاكسينا بەرۋگە ءازىر.

• اقش-تىڭ فەدەرالدىق قور جۇيەسى 2021 جىلى اقش ەكونوميكاسىنىڭ ءوسىمى 7%-دى قۇراۋى مۇمكىن دەپ وتىر.

• Facebook ترامپتىڭ اككاۋنتى تۋرالى شەشىمدى 5 مامىردا قابىلدايتىنىن ايتتى. ونىڭ اككاۋنتى پرەزيدەنت سايلاۋى كەزىندە ادەپتەن تىس، ەتيكاعا جات، قىزمەتتىك قۇقىن اسىرا پايدالانۋ سەكىلدى سەبەپتەرمەن بۇعاتتالعان بولاتىن. 

• اقش مەملەكەتتىك حاتشىسى ەنتوني بلينكەن اقش 2022 جىلى بەيجىڭدە وتەتىن وليمپياداعا بويكوت جاريالاۋى مۇمكىن ەكەنىن ىمدادى. 

• دجو بايدەن بيىلعى جىلعا بوسقىندار ءليميتىن 62،5 مىڭعا كوتەرەتىنىن جاريالادى.

• كەشە ۋكراينانىڭ قاتىسۋىمەن Defender Europe 21 وقۋ-جاتتىعۋ ويىندارى باستالدى. بۇل وقۋ-جاتتىعۋلار 1995 جىلدان بەرى وتكىزىلىپ كەلەدى. قازىرگىسى ماۋسىم ايىنا دەيىن سوزىلادى. ول ازىرگە وڭتۇستىك-شىعىس ەۋروپاداعى اسا ءىرى وقۋ-جاتتىعۋ بولماق. وعان اقش قارۋلى كۇشتەرى، ناتو جانە اليانستىڭ ارىپتەستەرى قاتىسىپ جاتىر.

ماقساتى – اسكەري ارىپتەستىكتى كۇشەيتۋ، اقش قارۋلى كۇشتەرى مەن ناتو، جانە باسقا دا وداقتاستار اراسىندا ستراتەگيالىق جانە وپەراتيۆتى دايىندىق پەن ءوزارا ىقپالداستىقتى ارتتىرۋ.

27 مەملەكەت قاتىسقالى وتىرعان بۇل وقۋ-جاتتىعۋلار ونداعان ەلدەردە وتەتىن بولادى، 28 مىڭنان استام اسكەري ادام قاتىسادى. جالپى گەوگرافياسى – بالقان تۇبەگى، البانيا، پريبالتيكا، قارا تەڭىز جانە افريكا ايماعى.

قۋانىش ەدىلحانتەگى

شولۋشى