قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ قازاقستاندىقتاردى وتان قورعاۋشى كۇنىمەن قۇتتىقتادى. بۇل تۋرالى elbasy.kz سايتى حابارلادى.
"قۇرمەتتى قازاقستاندىقتار! بارشاڭىزدى وتان قورعاۋشى كۇنىمەن قۇتتىقتايمىن! تاۋەلسىزدىك جىلدارىندا ەلىمىزدىڭ قارۋلى كۇشتەرى مەملەكەتىمىزدىڭ تۇراقتىلىعىنىڭ، اۋماقتىق تۇتاستىعى مەن اسكەري قاۋىپسىزدىگىنىڭ كەپىلى بولدى. ءبىز ءاردايىم ارميانى دامىتۋعا، ونىڭ قورعانىس قابىلەتىن ارتتىرۋعا، اسكەريلەردى جان-جاقتى قولداۋعا باسا كوڭىل بولدىك.
سونىڭ ارقاسىندا قازاقستان اسكەرىنىڭ ساپىندا بولۋ رۋحى مىقتى ادامداردىڭ مارتەبەلى ءارى جاۋاپتى مىندەتىنە اينالدى. بۇگىندە وتان الدىنداعى بورىشتى وتەۋ مەن ادال قىزمەت ەتۋ – ابىرويلى ءىس. اسكەري فورما كيگەن ادام جاۋاپكەرشىلىگى جوعارى، ناعىز پاتريوت بولىپ سانالادى" دەلىنگەن قۇتتىقتاۋ حاتىندا.
سونىمەن قاتار نازاربايەۆ تاۋەلسىزدىكتى قورعاي الاتىن قۋاتتى دا ايبىندىار ەكەنىن اتاپ ايتتى.
– قازاقستان رەسپۋبليكاسىنىڭ قارۋلى كۇشتەرىن قۇرۋ تۋرالى جارلىققا قول قويعان كۇننەن باستاپ ءتيىمدى قاۋىپسىزدىك جۇيەسىن قۇرعانعا دەيىنگى ارالىقتا ەلىمىز اۋقىمدى جولدان ءوتتى. بۇگىندە ءبىزدىڭ ەڭ باستى قۇندىلىعىمىز – تاۋەلسىزدىگىمىزدى قورعاي الاتىن قۋاتتى دا ايبىندى ارميامىز بار.
وتان قورعاۋشىلاردى جانە بارلىق قازاقستاندىقتاردى وسى مەرەكەمەن قۇتتىقتايمىن! بارشاڭىزعا مىقتى دەنساۋلىق، تىنىشتىق پەن باق-بەرەكە تىلەيمىن! – دەدى ول.
پىكىر قالدىرۋ