قازاقستان مۇسىلماندارى ءدىني باسقارماسى ورازا ايت نامازىنا قاتىستى مالىمدەمە جاسادى. بۇل تۋرالى قمدب-نىڭ رەسمي سايتى حابارلادى.
قمبد ەلىمىز بويىنشا مەشىتتەردىڭ اۋلالارىندا ورازا ايت نامازى وقىلاتىنىن مالىمدەدى.
مەشىتكە كەلگەندە ادامدار كەلەسى تالاپتاردى ساقتاۋى ءتيىس:
- بەتپەردە (ماسكا) كيىپ كەلۋ؛
- ۇيدەن دارەت الىپ كەلۋ؛
- نامازدان سوڭ قول بەرىپ امانداسپاۋ؛
- نامازدان كەيىن كوپ كىدىرمەي ۇيگە قايتۋ؛
- جاماعاتپەن وقىلاتىن نامازعا باليعاتقا تولماعان بالالاردى الىپ كەلمەۋ؛
- ناۋقاستار مەن ايەلدەردىڭ ايت نامازىنا قاتىسپاعانى ابزال.
قمدب جۇقپالى ىندەتتى تاراتپاۋ ءۇشىن ءاربىر ازامات قوعام الدىنداعى جاۋاپكەرشىلىگىن سەزىنىپ، سانيتارلىق تالاپتارىن قاتاڭ ساقتاۋعا جانە مەشىت تارتىبىنە باعىنۋعا شاقىردى.
پىكىر قالدىرۋ