اقتوبە وبلىسى بويىنشا سىبايلاس جەمقورلىققا قارسى دەپارتامەنتتىڭ قىزمەتكەرى فيرما يەسىنەن 60 ملن تەڭگە پارا العانى ءۇشىن سوتتالدى.
سوت مالىمەتىنە ساي، 2019 جىلدىڭ 5 شىلدەسىندە وبلىستىڭ سىبايلاس جەمقورلىققا قارسى قىزمەت اعا-وفيسەرى جەكە كومپانيا يەسىن ەسەپتەلگەن سالىقتار مەن ءوسىمپۇلداردى ازايتۋ ماسەلەسىن رەتتەۋ ءۇشىن پارا بەرۋگە يتەرمەلەپ، ونىڭ 60 ملن تەڭگە سوماسىنداعى اقشالاي قاراجاتىن يەمدەنگەن دەپ ايىپتالدى.
اقتوبە وبلىسى قىلمىستىق ىستەر جونىندەگى مامانداندىرىلعان اۋدانارالىق سوتى اعا-وفيسەردى 12 جىلعا باس بوستاندىعىنان ايىردى. ول جازاسىن قاۋىپسىزدىگى جوعارى قىلمىستىق-اتقارۋ جۇيەسى مەكەمەسىندە وتەيدى.
ونىڭ كىناسى جابىرلەنۋشىنىڭ، كۋاگەرلەردىڭ مالىمدەمەسى، تەرگەۋ، جەدەل-ىزدەستىرۋ ءىس-شاراسى حاتتامالارى، سوت ساراپتاماسى قورىتىندىسى ارقىلى راستالعان.
سونىمەن قاتار، سوتتالۋشى ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى.
پىكىر قالدىرۋ