باسپا، راديو، ينتەرنەت-جۋرناليستيكا سالاسىنداعى ۇزدىكتەردى انىقتاۋ ءۇشىن "URKER – 2021" ۇلتتىق بايگەسىنە وتىنىمدەر قابىلداۋ باستالدى، دەپ حابارلادى urker-awards.kz سايتى.
بايقاۋعا ەسپۋبليكا اۋماعىندا مەدياكونتەنت وندىرەتىن جانە تاراتاتىن رەسپۋبليكالىق جانە وڭىرلىك راديوستانسيالار، باسپا جانە ينتەرنەت-باسىلىمدار قاتىسا الادى.
وتىنىمدەردى قابىلداۋ ۋاقىتى 2021 جىلدىڭ 17 مامىرىنان 15 ماۋسىمىنا دەيىن جۇزەگە اسىرىلادى.
كونكۋرتىق جۇمىستار 2020 جىلدىڭ 1 قاراشاسى مەن 2021 جىلدىڭ 1 ماۋسىم ارالىعىندا جاريالانىپ، باسىلىمىندا، ينتەرنەت-رەسۋرستا جاريالانۋى نە راديوەفيردە شىعۋعا ءتيىس. ءار ۇمىتكەر بايگەنىڭ تەك ەكى نوميناسياسىنا قاتىسۋعا قۇقىلى.
وتىنىمدەر urker-awards.kz رەسمي سايتىندا 11 نوميناسيا بويىنشا قابىلدانادى:
- جىلدىڭ ۇزدىك فوتوسۋرەتى
- جىلدىڭ ۇزدىك رەپورتاجى
- جىلدىڭ ۇزدىك اناليتيكالىق ماتەريالى
- جىلدىڭ ۇزدىك جۋرناليستىك زەرتتەۋى
- جىلدىڭ ۇزدىك سۇحباتى
- جىلدىڭ ۇزدىك تانىمدىق ماتەريالى
- راديوستانسياداعى ۇزدىك جوبا
- جىلدىڭ ۇزدىك جاڭالىقتار پورتالى
- جىلدىڭ ۇزدىك گازەتى
- جىلدىڭ ۇزدىك جۋرنالى
- تاۋەلسىزدىكتىڭ 30 جىلدىعىنا ارنالعان ۇزدىك ماتەريال
بيىلعى جىلى ۇيىمداستىرۋشى كوميتەت ەلدىڭ تاۋەلسىزدىك جىلدارى قالىپتاسۋىنا ارنالعان جۇمىستارعا ارنايى نوميناسيا ەنگىزدى.
تاۋەلسىز قازىلار القاسىنىڭ قۇرامىنا ەنگەن كاسىبي جۋرناليستەر، سالانىڭ ەڭبەك سىڭىرگەن قايراتكەرلەرى جانە ءازىربايجان مەن گەرمانيانىڭ حالىقارالىق مەديا-ساراپشىلارى جۇمىستاردى باعالايتىن بولادى.
ۇلتتىق بايگە جەڭىمپازدارى «ۇركەر» ەستەلىك مۇسىنشەسىنىڭ جانە ءبىر ميلليون تەڭگە مولشەرىندەگى قارجىلاي سىيلىقتىڭ يەگەرى بولادى.
پىكىر قالدىرۋ