الماتىدا "Aport Mall" ساۋدا ءۇيى ماڭىنان ەر ادامنىڭ ءمايىتى تابىلدى. بۇل تۋرالى kris_p_almaty instagram پاراقشاسى حابارلادى.
ءمايىت رايىمبەك داڭعىلىنداعى "نۇرلى دالا" تۇرعىن ءۇي كەشەنىنىڭ ماڭىنان تابىلعان. دارىگەرلەر ءولىم باس ميى جاراقاتىنىڭ سەبەبىنەن بولعانىن ايتادى. مارقۇمنىڭ باسىن قاتتى زاتپەن ۇردى دەگەن بولجام بار. ونىڭ 1972 جىلى تۋعان (م) ەسىمدى الماتى وبلىسىنىڭ تۇرعىنى ەكەنى بەلگىلى بولدى.
تەرگەۋ بارىسىندا مارقۇمنىڭ تەلەفون، اقشا سىندى قۇندى زاتتارى ۇرلانباعانى انىقتالدى.
الماتى قالاسىنىڭ پوليسيا دەپارتامەنتى اتالعان فاكت قىلمىستىق كودەكستىڭ 99-بابى، 1-بولىگى (ادام ءولتiرۋ، ياعني باسقا ادامدى قۇقىققا قارسى قاساقانا قازاعا ۇشىراتۋ) بويىنشا تىركەلگەنىن جانە ونى ناۋرىزباي اۋدانىنىڭ پوليسيا باسقارماسى تەرگەپ جاتقانىن حابارلادى.
پىكىر قالدىرۋ