الماتىلىق 22 جاستاعى پوليسەي نادير قالىموۆ جول اپاتىنان كوز جۇمدى. بۇل تۋرالى قجول پوليسياسىنىڭ باسپا ءسوز قىزمەتى حابارلادى.
جول-كولىك وقيعاسى 19 مامىر تاڭعى ساعات 9-دار شاماسىندا الماتى وبلىسىنىڭ قاراساي اۋدانىندا بولعان. پوليسيانىڭ كىشى سەرجانتى ن.كالىموۆ تۇنگى اۋىسىمنان ۇيىنە قايتىپ كەلە جاتقاندا جول اپاتىنا تۇسكەن. پوليسەي العان جاراقاتتارىنان وقيعا ورنىندا قايتىس بولعان.
"كولدى-جالپاقساي تاس جولىندا Mazda-626 اۆتوكولىگىنىڭ جۇرگىزۋشىسى ءرولدى باسقارا الماي، قارسى جولاققا شىعىپ كەتىپ، 1999 جىلى تۋعان ينسپەكتور نادير قالىموۆ باسقارعان Lada Granta اۆتوكولىگىمەن سوقتىعىسقان. ءتۇرلى دەنە جاراقاتتارىن العان Mazda جۇرگىزۋشىسى اۋرۋحاناعا جاتقىزىلدى" دەلىنگەن حابارلامادا.
ءقازىر اتالعان فاكت قىلمىستىق كودەكستىڭ 345-بابى، 3-بولىگى بويىنشا تىركەلىپ، تەرگەۋ جۇمىستارى جۇرگىزىلۋدە.
پوليسيانىڭ كىشى سەرجانتى قالىموۆ ن.د. ىشكى ىستەر ورگاندارىندا 2019 جىلدىڭ قىركۇيەگىنەن باستاپ قىزمەت ەتكەن. ونىڭ ارتىندا اناسى مەن جۇكتى ايەلى قالدى.
پىكىر قالدىرۋ