بيىل ۇلتتىق ءبىرىڭعاي تەستىلەۋ قانداستار ءۇشىن 2021 جىلدىڭ ماۋسىم ايىندا ونلاين فورماتتا وتەدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ءماجىلىس دەپۋتاتتاردىڭ ساۋالىنا بەرگەن جاۋابىندا ايتقان.
– بيىل قازاقستانداعى جانە الەمدەگى ەپيدەميولوگيالىق جاعدايعا بايلانىستى ۇلتتىق ءبىرىڭعاي تەستىلەۋ قانداستار ءۇشىن 2021 جىلعى ماۋسىمدا 2020 جىلعى تاجىريبەنى ەسكەرە وتىرىپ ونلاين فورماتتا وتەدى. ۇبت تاپسىرۋدىڭ بۇل فورماتى مينيسترلىك، ۇلتتىق تەستىلەۋ ورتالىعى جانە "وتانداستار" قورىمەن بىرگە جان-جاقتى قارالدى.
مينيسترلىك قانداستارعا قازاقستاندىق جوعارى وقۋ ورىندارىندا جوعارى ءبىلىم الۋ مۇمكىندىگىن كەڭەيتۋ بويىنشا تۇراقتى نەگىزدە جۇمىس جۇرگىزۋدە. ەلىمىزدەگى جانە جالپى الەمدەگى ەپيدەميولوگيالىق جاعدايعا بايلانىستى ۇبت-نى ۇيىمداستىرۋ پروسەسى كەزىندە ءبىزدىڭ ستۋدەنتتەر مەن جاستاردىڭ دەنساۋلىعى مينيسترلىك ءۇشىن ماڭىزدى ەكەنىن ايتا كەتكەن ءجون، – دەدى مينيستر.
ءمينيستردىڭ ايتۋىنشا، وتكەن جىلى قانداستار ءۇشىن ۇبت العاش رەت ونلاين فورماتتا ۇيىمداستىرىلعان. 2020 جىلعى 19 شىلدەدە وتكەن تەستىلەۋگە 551 ادام قاتىسقان.
پىكىر قالدىرۋ