وڭتۇستىك جۇڭگو تەڭىزىندەگى شيەلەنىس قايتا كۇشەيە ءتۇستى. اقش داۋلى ايماققا جويعىش كەمەلەرىن جىبەردى. جاعدايعا بايلانىستى اۆستراليانىڭ بۇرىنعى گەنەرال-مايورى جۇڭگو مەن اقش اراسىنداعى ۇلكەن سوعىس ءقاۋپى تۋرالى ايتتى، دەپ جازادى اۆستراليالىق SkyNews باسىلىمى.
وڭتۇستىك جۇڭگو تەڭىزىندەگى شيەلەنىستەر سەيسەنبى، سارسەنبى كۇندەرى تاعى دا ۋشىقتى. تايۆان بۇعازى ارقىلى ۆاشينگتوننىڭ باسقارىلاتىن زىمىران ەسمينەسى وتكەننەن كەيىن بەيجىڭ اقش-تى "ارانداتۋشىلىق جاسادى" دەپ ايىپتادى.
ايماقتاعى شيەلەنىس قاقتىعىس قورقىنىشىن كۇشەيتتى. اقش اسكەري-تەڭىز كۇشتەرى "Arleigh Burke" كلاسسىنداعى باسقارىلاتىن "USS كەرتيس ۋيلبۋر" زىمىران جويعىشىن داۋلى ايماققا اتتاندىردى.
"تايۆان بۇعازى ارقىلى سوعىس كەمەسىنىڭ ءجۇزۋى اقش-تىڭ ءۇندى-تىنىق مۇحيتى ايماعىنىڭ ەركىن جانە اشىق بولۋىنا دەگەن مىندەتتەمەسىن كورسەتەدى. امەريكا قۇراما شتاتتارىنىڭ اسكەري كۇشتەرى حالىقارالىق زاڭ رۇقسات ەتكەن جەرلەردە ۇشۋدى، ءجۇزۋدى جانە جۇمىس ىستەۋدى جالعاستىرادى" دەپ مالىمدەدى ۆاشينگتون تاراپى.
ءبىراق جۇڭگو "اقش-تىڭ اسكەري-تەڭىز كۇشتەرى ايماقتاعى تىنىشتىقتى بۇزدى" دەپ ايىپتادى.
قىتايدىڭ شىعىس تەڭىز كۇشتەرىنىڭ وكىلى "اقش-تىڭ ارەكەتتەرى تايۆاننىڭ تاۋەلسىزدىك كۇشتەرىنە دۇرىس ەمەس سيگنالدار جىبەرەدى جانە ايماقتىق جاعدايدى ادەيى بۇزىپ، تايۆان بۇعازىنداعى بەيبىتشىلىك پەن تۇراقتىلىققا ءقاۋىپ توندىرەدى" دەدى.
ال، اۆستراليانىڭ بۇرىنعى گەنەرال-مايورى جۇڭگو تايۆاندى كۇشپەن قايتارىپ الۋ تۋرالى شەشىم قابىلداعان جاعدايدا اقش پەن جۇڭگو اراسىندا "وتە ۇلكەن سوعىس" بولاتىنى تۋرالى ەسكەرتتى.
"قىتايدىڭ كورشىلەرىنە قاتىستى ۇستانىمى بارعان سايىن اگرەسسيۆتى سيپاتقا يە بولدى جانە ونىڭ ريتوريكاسى ودان سايىن ءورشىپ تۇر" دەيدى اۆستراليالىق وتستاۆكاداعى گەنەرال-مايور جانە ليبەرال-سەناتور دجيم دولان SkyNews باسىلىمىنا بەرگەن سۇحباتىندا.
پىكىر قالدىرۋ