ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا جوبالىق ءوفيسىنىڭ باسشىسى سابىر قاسىموۆ بولشيەۆيكتىك-ستاليندىك بيلىكتىڭ ساياسي قۋعىن-سۇرگىننىڭ قۇرباندارىنا قاتىستى تاريحي ادىلەتتىلىكتى قالپىنا كەلتىرۋ جونىندەگى جۇمىس باستالعانىن ءمالىم ەتىپ، ازاماتتاردى زارداپ شەككەندەردى انىقتاۋ ءۇشىن وزدەرىنىڭ اتا-بابالارىنىڭ، تۋىستارىنىڭ تاريحي وتانىنان قونىس اۋدارۋداعى سەبەپتەرىن، قۇجاتتىق كۋالىكتەر، ساياسي قۋعىن-سۇرگىن قۇرباندارىنىڭ اۋىزشا ەستەلىكتەرى مەن ناقتى ءمان-جايلارىن انىقتاۋ بويىنشا كومەك جانە جاردەم كورسەتە الاتىنىن حابارلايدى.
بۇگىنگى كۇندە مەملەكەتتىك كوميسسيا شەڭبەرىندە كىشى كوميسسيالار مەن جۇمىس توپتارى جۇمىس ىستەپ جاتىر. وسى جۇمىس توپتارىنىڭ ءبىرى ارنايى 1916-1930 جىلدار ارالىعىندا مەملەكەتتىڭ جازالاۋشى اكسيالارى، اشارشىلىق پەن بولشيەۆيستىك-ستاليندىك بيلىكتىڭ ساياسي قۋعىن-سۇرگىن سالدارىنان قازاقستاننان كەتۋگە ءماجبۇر بولعان قازاقستاندىق بوسقىنداردىڭ ماسەلەلەرىمەن اينالىسادى.
قۋدالاۋعا ۇشىراعان حالىققا قارسى ساياسي ناۋقاندار مەن قۋعىن-سۇرگىنگە جانە مۇقتاجدىق پەن اشارشىلىق سالدارىنان قالىڭ بۇقارا ءوزىنىڭ تۋىپ وسكەن جەرىن تاستاپ كەتۋگە ءماجبۇر بولدى. بۇگىندە ولاردىڭ 5 ميلليوننان استام ۇرپاعى (قازاق حالقىنىڭ ۇشتەن ءبىر بولىگى) وزدەرىنىڭ تاريحي وتانىنان تىس جەرلەردە ءومىر سۇرۋدە.
ولار وزدەرىنىڭ تاريحي وتانىندا پرەزيدەنت ق. توقايەۆتىڭ جارلىعىمەن بولشيەۆيكتىك-ستاليندىك بيلىكتىڭ ساياسي قۋعىن-سۇرگىنىنىڭ قۇربانى بولعان اتا-بابالارىنا قاتىستى تاريحي ادىلەتتىلىكتى قالپىنا كەلتىرۋ جونىندەگى جۇمىس باستالعانىن بىلۋگە قۇقىلى. ازاماتتار زارداپ شەككەندەردى انىقتاۋ ءۇشىن وزدەرىنىڭ اتا-بابالارىنىڭ، تۋىستارىنىڭ تاريحي وتانىنان قونىس اۋدارۋداعى سەبەپتەرىن، قۇجاتتىق كۋالىكتەر، ساياسي قۋعىن-سۇرگىن قۇرباندارىنىڭ اۋىزشا ەستەلىكتەرى مەن ناقتى ءمان-جايلارىن انىقتاۋ بويىنشا كومەك جانە جاردەم كورسەتە الادى.
– وسىعان بايلانىستى ءوز وتباسىنىڭ تاريحىنا جانە ساياسي قۋعىن-سۇرگىن قۇرباندارىنا قاتىستى ادىلەتسىزدىككە نەمقۇرايلى قارامايتىن جۇرتشىلىققا جۇگىنە وتىرىپ، كەڭەس وكىمەتىن كۇشتەپ ورناتۋعا قارسى بولعانى ءۇشىن قۋعىندالعان، تاركىلەنگەن، كوتەرىلىستەرگە قاتىسقانى ءۇشىن مەملەكەتتىك قۋدالاۋعا ۇشىراعان، قازاقستان اۋماعىنان كەتۋگە ءماجبۇر بولعان ادامداردىڭ وتباسىلارى مەن ۇرپاقتارىنا قاتىستى اقپاراتتارمەن حاباردار ەتۋدى سۇرايمىز.
قونىس اۋدارۋعا ءماجبۇر بولعان، قۋعىنعا ۇشىراعان قۇربانداردى اقتاۋعا بايلانىستى قاندايدا ءبىر دەرەككە يە ازاماتتار مەمكوميسسيانىڭ جۇمىس توبىنىڭ مۇشەلەرىنە جۇگىنە الادى. ۇرپاقتاردىڭ جادىندا ساقتالعان ەپيزودتار، قۇجاتتار، قونىس اۋدارىلۋ بارىسىنداعى قيىنشىلىقتار، وقيعالار، سونداي-اق اۋىر سىناقتار، اشتىق، اۋرۋعا بايلانىستى ءولىم، ءماجبۇرلى قونىس اۋدارۋ بارىسىنداعى باسقا دا فاكتىلەر بولعان جاعدايدا project.office456@gmail.com ەلەكتروندىق پوشتاسىنا جىبەرۋدى سۇرايمىز، – دەيدى سابىر قاسىموۆ.
پىكىر قالدىرۋ