«Nur Otan»-دا ەل تۇرعىندارىنىڭ ءتۇيىندى ماسەلەلەرىن شەشۋ ءۇشىن قانداي ناقتى ارەكەتتەر جاسالۋدا؟ بۇگىن پارتيادا وسى تۋرالى ايتىلدى. پارتيا مۇشەلەرى – ورتالىق جانە جەرگىلىكتى اتقارۋشى ورگانداردىڭ باسشىلارى 11 مىڭنان استام ازاماتتى قابىلداعان. جىل باسىنان بەرى ەل بويىنشا پارتيانىڭ قوعامدىق قابىلداۋ بولمەلەرىنە 60 مىڭنان استام ءوتىنىش ءتۇستى.

پارتيانىڭ باسپا ءسوز قىزمەتى اتاپ وتكەندەي، تۇرعىندار «Nur Otan» پارتياسىنا ءتۇرلى ماسەلەلەرمەن كەلەدى. ولاردىڭ اراسىندا جولداردىڭ بولماۋى مەن جوندەلۋىنە، اۋلالاردى اباتتاندىرۋعا، ءتىپتى نۇروتاندىقتاردىڭ وزدەرىنە دە قاتىستى شاعىمدار بار.

ماسەلەن، تۇركىستان وبلىسى تۇلكىباس اۋدانىنىڭ تۇرعىندارى كاسىپكەر جانە «Nur Otan» پارتياسىنان اۋداندىق ءماسليحاتتىڭ دەپۋتاتى ا.ساپاروۆتىڭ ىس-ارەكەتىنە نارازىلىق بىلدىرگەن. دەپۋتات ءوزى جەكەشەلەندىرىپ العان «جيەنباي» كانالىنان وزگەلەرگە سۋ بەرمەي قويعان.

پارتيالىق باقىلاۋ كوميسسياسى ۇيىمداستىرعان تەكسەرۋ بارىسىندا بۇل دەرەك راستالدى. اۋداندىق فيليال ساياسي كەڭەسى بيۋروسىنىڭ شەشىمىمەن پارتيانىڭ ادەپ كودەكسىن بۇزعانى ءۇشىن ا.ساپاروۆ «Nur Otan»-نىڭ قاتارىنان شىعارىلىپ، دەپۋتاتتىق مانداتىنان ايىرىلدى. وبلىستىق پارتيا فيليالىنىڭ مالىمەتىنشە، اۋداندىق پروكۋراتۋرا «جيەنباي» كانالىن مەملەكەتتىك مەنشىككە الۋ بويىنشا سوتقا تالاپ ارىز بەرىلمەك.

ال قىزىلوردا وبلىسى سىرداريا اۋدانىنداعى ناعي ءىلياسوۆ اتىنداعى اۋىلدا تۇرعىندار كەرىسىنشە، وبلىستىق ءماسليحاتتىڭ جەرگىلىكتى دەپۋتاتىنا العىستارىن بىلدىرگەن. «Nur Otan» فراكسياسىنىڭ مۇشەسى ماعجان ەرالييەۆ ءوز قاراجاتىنا اۋىلدا جاڭا سپورت الاڭىن سالىپ، بالاباقشاعا جيھاز ساتىپ الىپ، زەينەتكەرلەرگە تەگىن قىزمەت كورسەتەتىن الەۋمەتتىك شاشتاراز اشقان.

وسىلايشا، «Nur Otan» دەپۋتاتى كولەمى 900 شارشى مەتر بولاتىن بالالار ويىن الاڭىن اباتتاندىرۋعا 15 ملن تەڭگە بولگەن. بۇقارالىق سپورتتى دامىتۋ ءۇشىن ارنايى «Street workout» جابدىقتارى، ال بۇلدىرشىندەر ءۇشىن كوپ دەڭگەيلى بالالار سىرعاناقتارى ساتىپ الىندى. مۇنىمەن قوسا جاستار ءۇشىن فۋتبول جانە باسكەتبول الاڭدارى بار. حالىق قالاۋلىسى اۋىلداعى بالاباقشاعا جيھاز، سەكسيالىق شكافتار، ورىندىقتار مەن ۇستەلدەر ساتىپ الۋعا 2،3 ملن تەڭگە جۇمساعان.

ماڭعىستاۋ وبلىسىنىڭ تۇششىبەك اۋىلىندا مەكتەپكە بارار جولدا بالالار تەرەڭ جىرانى اينالىپ وتۋگە ءماجبۇر ەدى. «Nur Otan» پارتياسىنان وبلىستىق ءماسليحاتتىڭ دەپۋتاتى نۇرپەيىس سارسەنباي وقۋشىلار ءۇشىن مەكتەپكە باراتىن جولدى ءقاۋىپسىز ەتۋ ءۇشىن ءوز قاراجاتىنا جاياۋ جۇرگىنشى كوپىرىن سالدى.

شىمكەنتتە اباي اۋدانىنا قارستى ىنتىماق-2 شاعىن اۋدانىنىڭ تۇرعىندارى اسفالتتالعان جولدىڭ جوقتىعىنا شاعىمدانعان. نەگىزگى كوشەلەردىڭ بىرىندە اۋا رايى اشىق كۇننىڭ وزىندە ءجۇرۋ وڭاي بولمادى، ال جاڭبىر نەمەسە قار جاۋعاندا بۇل جەرمەن ءجۇرۋ ءتىپتى مۇمكىن ەمەس ەدى. تەك پارتيا مۇشەلەرىنىڭ ارالاسۋىنان كەيىن عانا اۋدان اكىمدىگى جولدى جوندەۋ ءۇشىن جوبالىق-سمەتالىق قۇجاتتاما دايىندادى. بۇگىندە ۇزىندىعى 7،6 كم كوشەنى جوندەۋ جۇمىستارى اياقتالىپ، جول پايدالانۋعا بەرىلدى.

تارازدا «Nur Otan» پارتياسىنىڭ قالالىق ءماسليحات دەپۋتاتى جانار بۇركىتبايەۆا اتى اڭىزعا اينالعان سۇرمەرگەن، ۇلى وتان سوعىسىنىڭ قاتىسۋشىسى ىبىرايىم سۇلەيمەنوۆ اتىنداعى سكۆەردىڭ قايتا جاڭارتىلۋىنا دەمەۋشىلىك جاسادى. مۇندا اباتتاندىرۋ جۇمىستارى جۇرگىزىلىپ، ورىندىقتار مەن قوقىس جاشىكتەرى اۋىستىرىلدى، ەسكەرتكىشتەر مەن قورشاۋلار بويالىپ، تولىعىمەن قالپىنا كەلتىرىلدى. وسى جۇمىستارعا حالىق قالاۋلىسى 1 ملن تەڭگە ءبولدى.

«Nur Otan» پارتياسى تۇرعىنداردىڭ وزدەرىن مازالاعان ماسەلەلەر بويىنشا رەسپۋبليكالىق قوعامدىق قابىلداۋ بولمەسىنە مىنا بايلانىس نومىرلەرى ارقىلى جۇگىنۋگە بولاتىنىن ەسكە سالادى:

1. Call-ورتالىق: 8 800 080 4441 (قازاقستان بويىنشا قوڭىراۋ شالۋ تەگىن)؛
2. Whatsاpp: 8 700 800 4441
3. E-mail: komek@nurotan.kz

سونداي-اق «حالىققا كومەك» جوباسى اياسىندا زاڭگەرلەرمەن، ادۆوكاتتارمەن، مەدياتورلارمەن جانە نوتاريۋستارمەن تەگىن كونسۋلتاتيۆتىك ونلاين-كەزدەسۋلەر ۇيىمداستىرىلعان. وتباسى، ايەلدەر جانە بالالاردىڭ قۇقىقتارىن قورعاۋ جانە تۇرمىستىق زورلىق-زومبىلىققا قارسى ءىس-قيمىل ماسەلەلەرى بويىنشا «111 شۇعىل قىزمەتى» ارنايى بايلانىس ورتالىعى ىسكە قوسىلدى.